Suro 9:26 - Sura Malelaha

²⁶ Hawemi i Yerusale, napeinao mpuu Saulu mohimada hai tauna au mepoinalai i Yesu, agaiana tauna iti langahe iria, lawi bara manihe mampoinalai peulana mpuumi i Yesu.

Suro 9:26 ပူးပေါင်းရင်းမြစ်များ

Matiu 24:10

Bosa tauna ina mosapuaka peulanda Iriko. Ara au ina mohuhu halalunda hampepepoinalai i iwalinda. Bosa tauna mombekahihi.

Suro 26:20

Ido hai kupahawe i ope-ope tauna, hangangaa mampenosoihe dosanda hai mengkoruhe i Pue Ala, hai hangangaa mobabehihe apa au maroa bona tongawa penosonda. Nguru-nguruna bambari iti kupahawe i wanua Damsik, roo indo i Yerusale hai i humalele tampo Yudea, hai i tauna ntanina au barahe to Yahudi.

Suro 4:23

Karakabahanda Peturu hai Yohane, laomohe mampohidupaa ranganda, hai rapololita apa au rauliangaahe kapala-kapala tadulako mpenomba hai totosaenda to Yahudi.

Suro 9:19

Roo nodo, maandemi, hai maroho hulemi watana. Bahangkia alona kamahaena, Saulu maida i wanua Damsik hihimbela hai topepoinalai i Yesu.

Suro 9:25

Ido hai hambela tempo i tanga kaindi, bahangkiahe rangana, laohe moala Saulu raanti i bente wanua au motoleliki Damsik. Inditi raulumi Saulu i lalu hambua karanji hangko i wongko bente wanua toa i tampo, liliu melangka.

Galatia 2:4

nauri ara au mopari-pari bona ratile. Ihira iti iamohe tauna au mouli katoSaraninda agaiana dongkonda pea. Mesua ngkandii-ndiihe i olongki lawi tunggaianda bona ope-ope to Sarani hangangaa mengkoruhe i Aturana Musa. Agaiana ikita barake paraluu mengkoru i atura iti bona manotoke i peitana Pue Ala. Ikita tekabahamoke hangko i aturana Musa anti pohintuwuta hai Kerisitu Yesu.