Suro 9:22 - Sura Malelaha

²² Agaiana kamaroho-rohoari Saulu mepaturo, ido hai rapowuli to Yahudi i Damsik, lawi ope-ope paturona iti mopakanoto kaYesuna Datu Topehompo.

Suro 9:22 ပူးပေါင်းရင်းမြစ်များ

Lukasi 21:15

Lawi Iko ina mowoli i lalumi pehanami au manoto alana bara rabuku iwalimi mosapuaka apa au niuli.

Suro 17:3

Paulu mopakanotoahe apa lempona ihi Sura Malelaha, nauli, “Datu Topehompo au nadandi Pue Ala hangkoia, hangangaa mohalea kapari duuna mate, agaiana ia tuwo hule. Yesu au kupololita irikamu ide iami Datu Topehompo.”

Suro 18:5

Mewali, kahawenda Silas hai Timotiu hangko i tampo Makedonia, Paulu barapi mobago mobabehi atu bambaru hangko i koli, agaiana ia mopahawe liliumi Ngkora Marasa i to Yahudi, napololitaahe kana i Yesu, Datu Topehompo.

Suro 28:23

Roo indo, rapakanotomi alo poteruhuanda hai Paulu. Hawe mpuumi alo au rapakanoto, bosa tauna teruhu i paidaana Paulu. Mepongka madondo hawe kalumba, napakanotoahe Paulu kana i poparentana Pue Ala, hai nabasaahe Aturana Musa hai Suranda Nabi-nabi, bona manoto irihira kahemana Yesu bona mepoinalaihe Iria.

Suro 9:20

I wanua Damsik, ia lao i sou-sou penombaa. Inditi mopahawemi bambari kana i Yesu iami Anana Pue Ala.

Suro 9:21

Tingkara mpuuhe tauna au mohadi lolitana Saulu, rauli, “Noumbari dide? Hangkoia ia mopapate tauna au mepoinalaihe i Yesu i Yerusale. Hai tunggaiana mai inde bona mohaka worihe tauna inde hai naantihe i kapala-kapala tadulako mpenomba i Yerusale.”

Suro 9:23

Bahangkia alona hangko inditi, mogombomohe to Yahudi bona mopapate Saulu.

Suro 9:27

Agaiana laomi Baranaba mampohimada Saulu, hai naporangai lao i suronahe Pue Yesu. Baranaba motuntuahe noumba Saulu moita Pue Yesu i polumaona lao i wanua Damsik, hai noumba Pue mololita iria. Napahawea worihe kapebaina Saulu mopahawe bambari kana i Pue Yesu i Damsik.

1 Korintu 1:27

lawi Pue Ala mopilei tauna au bara mapande i peitana manusia bona tomapande ina rapakaea. Naoaka mopileihe au malede bona tauna au maroho ina rapakaea.

Galatia 1:18

Talu parena roo indo, hangko laorina i Yerusale mampohidupaa Peturu. Maidana hihimbela hai ia hampulo hai lima alona kamahaena.

Pilipi 4:13

Kubuku molindo hinangka au merumpa, lawi Kerisitu mopakaroho lalungku.

1 Timotiu 1:12

Kuuli ngkaia kamaroana i Amputa Kerisitu Yesu, lawi Naweina karoho, Napoinalaiana mampopolumao bagoNa, hai Naangkana mewali topobagoNa.