Suro 9:19 - Sura Malelaha

¹⁹ Roo nodo, maandemi, hai maroho hulemi watana. Bahangkia alona kamahaena, Saulu maida i wanua Damsik hihimbela hai topepoinalai i Yesu.

Suro 9:19 ပူးပေါင်းရင်းမြစ်များ

Suro 11:26

Kanalambina, naporangami lao i Antiokia hai maidahe inditi hampare kamahaena. Teruhuhe inditi hihimbela hai tauna au mepoinalai i Yesu, hai mopaturohe tauna bosa. Inditimi nguru-nguruna, tauna au mepoinalai i Yesu rauli to Sarani.

Suro 11:29

Karahadina to Sarani i Antiokia bambari iti, hintuwumohe motulungi halalu hampepepoinalainda i tampo Yudea. Ido hai mokiramohe doinda moula pesauruanda hadua-hadua.

Suro 26:20

Ido hai kupahawe i ope-ope tauna, hangangaa mampenosoihe dosanda hai mengkoruhe i Pue Ala, hai hangangaa mobabehihe apa au maroa bona tongawa penosonda. Nguru-nguruna bambari iti kupahawe i wanua Damsik, roo indo i Yerusale hai i humalele tampo Yudea, hai i tauna ntanina au barahe to Yahudi.

Suro 9:18

I tempo iti peawomi, ara au nodo ruke manawo hangko i matana Saulu, hai unga pea meita, pane meangkami hai rariumi.

Suro 9:26

Hawemi i Yerusale, napeinao mpuu Saulu mohimada hai tauna au mepoinalai i Yesu, agaiana tauna iti langahe iria, lawi bara manihe mampoinalai peulana mpuumi i Yesu.

Suro 9:38

Lawi wanua Yope bara karao hangko i wanua Lida, ido hai topepoinalai i Yope mohadihe kaarana Peturu i wanua Lida. Ratudumi rodua tauna lao i Peturu merapi bona hoholiga mai i Yope.

Galatia 1:17

Bara worina hampai lao i wanua Yerusale meguru irihira au iorumohe mewali surona Pue Yesu. Agaiana laona hampai i tampo Ara, hangko mesule mbulirina lao i wanua Damsik.