Suro 9:15 - Sura Malelaha15 Agaiana, Nauli mbuli Pue Yesu i Ananias, “Hangangaa laoko! Lawi Saulu iti, Kupileimi mewali topobagoNgku. Ia ina mopahawe hangaNgku i to Yahudi hai i tauna ntanina hawe-hawe wori i datu. အခန်းကိုကြည့်ပါ။ |
Liumi talu alona, Paulu mokakio totosaenda to Yahudi bona mai rapohidupaa. Kahawenda, mololitami Paulu irihira nauli, “Halalu-halalu, barato wongkoia masala i hangka to Yahudinta hai bara worina moliungi adanda toiorunta. Agaiana nauri nodo, batengku rahaka i Yerusale hai rahuhuna i topoparenta to Roma.
Agaiana anti kabulana laluna Pue Ala hai anti kaNatulungingku, ido hai raangkana mewali suroNa hawe ide-ide. Hai mobundu mpuu kabulana laluNa hai petulungiNa iriko. Lawi mepongka i karaangkaku, meliu pobagongku i Pue hangko i ope-ope surona Pue Yesu au ntanina. Ane rohongku pea haduduangku, bara kubuku mampopolumao bago iti agaiana anti kabulana laluNa Pue Ala hai anti kaNatulungingku, ido hai kubuku.
Halalungku hampepepoinalai i ope-ope jumaa au ara i Galatia, Iko, Paulu, surona Pue Yesu hai ope-ope halalungku hampepepoinalai au arahe inde, manguli tabea! Kiharunga Pue Ala Amputa hai Pue Yesu Kerisitu ina mowatikau hai moweikau roa ngkatuwo. Iko, mewalina surona Pue Yesu bara anti manusia ba naangkana manusia, agaiana Pue Yesu hai Pue Ala Umanta au mopatuwo hulemi Yesu hangko i kapateNa, au mampopewalimona suroNa.