Suro 8:40 - Sura Malelaha

⁴⁰ Hai i tempo iti, Pilipu bila-bila mesupami i boea Asdod, hai mesulemi lao i wanua Kaisarea. I tanga rara, Pilipu mobambari liliu Ngkora Marasa i ope-ope boea au napoliungi.

Suro 8:40 ပူးပေါင်းရင်းမြစ်များ

Suro 10:1

I wanua Kaisarea, ara hadua tobalilo, hangana Kornelius. Ia hadua tadulako au motadulakoi hangatu surodado au rahanga Surodado Italia.

Suro 10:24

Hambengiahe i tanga rara, hangko hawerihe i Kaisarea. Kahawenda, Kornelius hantina teruhumohe mampegia Peturu. Ara wori hintonggina hai rangana au nakakio Kornelius bona teruhuhe i souna.

Suro 11:11

I tempo iti wori, arahe talu tobalilo au hawe i sou au kipaidai, agaiana barahe to Yahudi. Au talu iti, ratuduhe hangko i wanua Kaisarea lao i wanua Yope mohaokina.

Suro 12:19

Herode mohaoki Peturu, agaiana bara nalambi. Ido hai Herode motudu tauna bona surodadonahe au mokampai Peturu raparesa hai rapapatehe. Roo indo, Herode padu hangko i tampo Yudea lao maida i wanua Kaisarea.

Suro 18:22

Kahawena i wanua Kaisarea, laomi Paulu i Yerusale motabe to Sarani au ara inditi, hangko laori i wanua Antiokia i tampo Siria.

Suro 21:16

Bahangkia halalu hampepepoinalaingki hangko i Kaisarea lao worihe hihimbela hai ikami bona raporangaingkai duuna hawe i sou paidaangki i Yerusale. Sou paidaangki iti iami souna hadua to Siprus au mahaemi mepoinalai i Yesu, hangana Manason.

Suro 21:8

Kahalona, meangka mbulimongkai lao i wanua Kaisarea. Inditi maidangkai i souna Pilipu. Pilipu iti, hadua topobambari Ngkora Marasa, hai ia wori hadua hangko i tauna au pitu au rapilei i Yerusale hangkoia modurei surona Pue.

Suro 23:23

Roo indo, kapala tadulako surodado iti mokakio rodua tadulako surodado, nauliangaahe, “Pasilolonga rongatu surodado au meahe, pitu pulona surodado au modara, hai rongatu surodado au metawala. Deade kaindi tinti hahio, meangkamokau ope-ope lao i Kaisarea.

Suro 23:33

Kahawenda i Kaisarea, sura iti raweimi Gubernur, hai rahuhu wori Paulu i kuasana Gubernur.

Suro 25:1

Talumi alona moparenta i propinsi iti, Festus padu hangko i wanua Kaisarea lao i Yerusale.

Suro 25:13

Bahangkia alona hangko inditi, laomohe Datu Agripa hai Bernike adina i wanua Kaisarea mampombelambia Festus anti karaangkana mewali gubernur.

Suro 25:4

Agaiana nahanaihe Festus, “Paulu hangangaa ratarunggu i Kaisarea hai iko ina polo mesuletona inditi.

Suro 25:6

Festus maida haminggu labi i Yerusale, hangko mesuleri lao i Kaisarea. Kahalona, nagulumohe ope-ope tadulako, hai napohawaahe bona Paulu raanti mai i poteruhuanda.

Suro 8:25

Karoonda Peturu hai Yohane mepaturo hai mopahawe Ngkorana Pue, mesulemohe lao i Yerusale. I polumaonda, rabambari wori Ngkorana Pue i boea-boea ntanina i tampo Samaria.

Suro 9:30

Mewali, karaisana halalu hampepepoinalaina tunggaianda tauna iti, ia raporangaimi hawe i wanua Kaisarea. Hangko i Kaisarea, rapopeangkami lao i wanua Tarsus.

Roma 15:19

hai anti tanda-tanda kuasa au kubabehi hai kuasana Inao Malelaha. Hangko i wanua Yerusale hawe i tampo Ilirikum, kupahawemi Ngkora Marasa i ope-ope tauna, kupaturoahe kahemana Kerisitu.