Suro 8:20 - Sura Malelaha

²⁰ Agaiana nauli Peturu iria, “Marugimoko hai marugi wori doimu! Nupehangu pae, kabulana laluna Pue Ala peisa raholo hai doi?

Suro 8:20 ပူးပေါင်းရင်းမြစ်များ

Matiu 10:8

Nipakaoha tauna au mahai, nipatuwo tauna au mate, nipakaoha tauna au kehaki tangga, nipopeloho seta au mampesuangi tauna. Ope-ope pewati nawei mberokau Pue Ala. Mewali, hangangaa niwei mbero worihe rangami pewati iti.

Matiu 15:19

Lawi hangko i lalunta mesupa hinangkana pekiri au kadake, alana ara au mepapate, mebualosi, metie, manangka, mosabi dongko hai mengkora-ngkora.

Suro 1:18

(Yudasi iti au moholo tampo au napotalumba hai doi hurungina babehiana au kadake. Inditimi, ia manawo hai mate, pane mabeto taina hai mabubu ope-ope ihi laluna.

Suro 10:45

Tingkaramohe ope-ope to Yahudi au mepoinalai i Yesu, au naporangahe Peturu hangko i Yope, lawi tauna au barahe to Yahudi molambi worihe Inao Malelaha.

Suro 11:17

Mewali, halalu, nauri barahe to Yahudi, agaiana naweimohe Pue Ala Inao Malelaha, nodo au Naweike anti pepoinalainta i Pue Yesu Kerisitu. Ane nodo, hemana pae ide iko, pane peisana moewa tunggaiana Pue Ala?”

Suro 2:38

Nahanai Peturu, “Hangangaa menosokau hadua-hadua hangko i dosami, hai hangangaa rariukau i lalu hangana Yesu Kerisitu. Ane nodo, Pue Ala ina moampungi dosami, hai Naweikau Inao Malelaha.

Suro 8:19

nauliangaahe, “Niwei wongkoia kuasami iti bona hema pea au kutobo ina modokohe Inao Malelaha.”

Suro 8:22

Menosomoko hangko i tunggaiamu au kadake iti, hai mekakaeko i Pue bona Naampungiko hangko i tunggaiana lalumu au kadake.

1 Timotiu 6:9

Agaiana tauna au mampeinaohe pebuku, mamurahe tekelo mobabehi dosa lawi teheahe hai peundeana lalunda au kadake. Peundeana lalunda iti bara mobundu, moanti peahe i kahurewu. Kahopoana manawohe i lalu dosa, alana molambi mpuuhe rugi.

Yakobu 5:3

Bulawami hai salakami, tagarami. Tagara iti mopakanoto kamasalami i lalu pampopobundumi kapebukumi. Ido hai ina rahukukau nodo tauna au naande api. Morampukau anu-anu i dunia, agaiana barapi mahae ina hawemi kahopoa dunia ide!

Pampetudungia 18:15

Topobalu-balu au mewalimohe tauna pebuku lawi mobalu-baluhe i to Babeli, i tempo iti ina metotoki ngkarao pearaihe, lawi langahe ina nalelehi pepopeahi-ahi au morumpa wanua iti. Moteteriahe hai masusa lalunda,