Suro 8:1 - Sura Malelaha

¹ Saulu wori mampokana karapapatena Setepanu iti. Mepongka alo iti, ope-ope topepoinalai i Pue Yesu au ara i Yerusale rapopeahi-ahi mpuumohe, alana mahawuhe i humalele tampo Yudea hai Samaria. Batenda pearai surona Pue Yesu au barahe melangka.

Suro 8:1 ပူးပေါင်းရင်းမြစ်များ

Matiu 22:6

Ara worihe au mohaka hawina datu iti, rapapahai hai rapapate.

Matiu 23:34

Toiorumi hangkoia mopapatehe bosa tauna au manoto babehianda, mepongka hangko i Habeli hawe i nabi Sakaria anana Berekia au rapapate i tabangaa Souna Pue Ala i olo sou malelaha hai meja pohuwea popenomba. Mewali, ina kutuduhe nabi, tauna au mapande hai guru-guru laohe irikamu au tuwo ide-ide bona mopaturoakau lolitaNgku. Agaiana arahe au ina nipapate, arahe au ina nipaku i kau mombehape, arahe au ina nipapahai i lalu sou penombaami, hai ara worihe au ina niwuwulai i boea ntanina. Kahopoana, ikamu au tuwo ide-ide ina mohalea ope-ope kanawoana toiorumi hangkoia au mopapatehe tauna au manoto.

Matiu 5:13

“Ikamu au meula Iriko, nodokau bure, lawi moantikau roa ngkatuwo i tauna i dunia. Agaiana ane bure iti mewali matawaa, peisa pae rapakebure hule? Bara! Barapi ara bunduna. Aginami ratende hai rapangka-pangka tauna.

Yohane 15:20

Nikatuinao apa au Kuuliangaakau inona: hadua hawi bara meliu karabilana hangko i ampuna. Mewali ane Iko rapopeahi-ahi, ikamu wori ina rapopeahi-ahi. Ane arahe tauna au moula lolitaNgku, batenda mampeulai wori lolitami.

Yohane 16:2

Ina rawurakau hangko i sou penombaa. Hai bara iti pea, agaiana hambela tempo ane tauna mopapatekau, ina rauli, itimi peundeana Pue Ala.

Suro 1:8

Agaiana ina nilambi kuasa ane mendaulu mai Inao Malelaha irikamu. Hai ikamu, ina mewalikau sabiNgku i Yerusale, i humalele tampo Yudea hai Samaria, hawe-hawe i humalele dunia.”

Suro 13:1

I olonda to Sarani i Antiokia, arahe bahangkia nabi hai guru mopahawe Ngkorana Pue, hanganda: Baranaba, Simeo au rakakio Tomaeta, Lukius hangko i Kirene, Menahem (au rapatuwo sambela hai Datu Herode Antipas i temponda mani kokoi), hai Saulu.

Suro 13:36

I karoona Daudi mobabehi apa au Natudua Pue Ala, matemi Daudi, watana ratawu i hola talumbanda toiorunda hai magoromi.

Suro 2:47

Motoia liliuhe Pue Ala, hai rapokatanahe ope-ope tauna. Alo-alona katetetambaiahe, lawi Pue motambaiahe tauna au molambi katuwo maroa.

Suro 22:20

Nodo wori, i tempona sabiMu Setepanu rapapate, ara worina indo hai kupokana karapapatena; ikomi au mokampai hampinda tauna au mopapate.’

Suro 26:10

Hai iti kubabehi wori i Yerusale. I tempo iti, molambimona sura kuasa hangko i kapala-kapala tadulako mpenomba, hai bosa worihe to Sarani kutarunggu. Kupokana wori ane rahuku matehe.

Suro 5:18

Mohakamohe surona Pue Yesu iti hai ratarungguhe.

Suro 5:20

“Laomokau i Souna Pue Ala, nipahawe ope-ope Ngkora kana katuwo au wou i tauna bosa.”

Suro 5:33

Karahadina tadulako lolitanda suro iti, rumpu ntepuumohe, hai rapeinaomi mopapate surona Pue Yesu.

Suro 5:40

Roo indo, suro iti rakakio hulemohe, rapapahaihe hai rauliangaahe, “Ineemokau mepaturo mokabelai hangana Yesu!” Hangko indo, rakabahamohe.

Suro 7:38

Musa iti au mokampaihe to Yahudi au bosa i pada wungi. Ia hihimbela hai toiorunta hangkoia, hai ia wori au mohadi lolitana malaeka i Bulu Sinai. Iami au modoko Ngkora Ngkatuwo hangko i Pue Ala bona rapahaweake duuna ide-ide.

Suro 7:54

Karahadina tadulako iti lolitana Setepanu, rumpu mpuuhe hai koi inaonda.

Suro 7:58

Rabisoso lao i raoa wanua bona rawatui. Tauna au mosalai Setepanu iti, mowosuimohe badunda hai moalahe watu hai meweduhe. Badunda rawoli i lindona hadua tobalilo au rahanga Saulus.

Suro 8:14

Roo indo, surona Pue Yesu au ara i Yerusale mohadimohe bambari kana i to Samaria au modokomohe Ngkorana Pue Ala. Ido hai mampohawaamohe Peturu hai Yohane lao i Samaria.

Suro 8:2

Bahangkia tauna au mengkoru i Pue Ala mangala watana Setepanu. Anti kawioranda, rateriahi hai ratawu.

Suro 8:4

Mewali, topepoinalai au mahawuhe iti, mopahawehe Ngkorana Pue iumba pea kalaoanda.

Suro 8:5

Nodo wori Pilipu, laomi i hambua boea i tampo Samaria mopahaweahe kaYesuna Datu Topehompo.

Suro 9:31

Mewali i tempo iti, tauna au mepoinalai i Pue Yesu barapohe rapopeahi-ahi i tampo Yudea, Galilea hai Samaria. Tetambaimi topepoinalai i Yesu, hai kamaroho-rohoami pepoinalainda, lawi mengkoru mpuuhe i Pue Ala, hai Inao Malelaha mopakaroho lalunda.

Roma 1:32

Nauri moisatohe aturana Pue Ala au manguli hema-hema au mobabehi nodo hangangaa rahuku mate. Agaiana batenda mobabehi mpaliliu babehia au kadake iti, hai rapokana wori ane ara ranganda au mobabehi nodo.

Pilipi 1:12

Mewali kupeinao bona niisa halalu, naurina ratarunggu, matanana, lawi anti karatarungguku ide, kabosa-bosaari tauna mohadi Ngkora Marasa.

Ibarani 11:27

Anti pepoinalaina, Musa mopalehi tampo Masiri; ia bara langa i karumpuna datunda to Masiri. Musa mantaha i lalu kapari, nodo au moitami Pue Ala, au bara raita.