Suro 7:58 - Sura Malelaha

⁵⁸ Rabisoso lao i raoa wanua bona rawatui. Tauna au mosalai Setepanu iti, mowosuimohe badunda hai moalahe watu hai meweduhe. Badunda rawoli i lindona hadua tobalilo au rahanga Saulus.

Suro 7:58 ပူးပေါင်းရင်းမြစ်များ

Lukasi 4:29

Meangkamohe mowura Yesu lao i raoa boea. Tunggaianda ina mohumbangahe Yesu bona manawo i tabingke, lawi boeanda i wongko bulu.

Suro 22:20

Nodo wori, i tempona sabiMu Setepanu rapapate, ara worina indo hai kupokana karapapatena; ikomi au mokampai hampinda tauna au mopapate.’

Suro 22:23

I pepakoinda iti, motendemohe kumbanda hai mohawukahe awu anti kamasodonda.

Suro 22:4

Hangkoia mampopeahi-ahina tauna au mampeulai Paturona Yesu. Arahe au kupapate. Ara wori bosa tauna au kuhaka hai kutarunggu, maroa tobalilo maroa towawine.

Suro 26:10

Hai iti kubabehi wori i Yerusale. I tempo iti, molambimona sura kuasa hangko i kapala-kapala tadulako mpenomba, hai bosa worihe to Sarani kutarunggu. Kupokana wori ane rahuku matehe.

Suro 6:11

Ido hai lao pearaihe mohuweki lalunda bahangkia tauna bona mobabehihe lolita au mosalai Setepanu, rauli, “Kihadi ia mopakoi pepaturona Musa hai mopakoi Pue Ala!”

Suro 6:13

Kahawenda inditi, moanti worimohe bahangkia tauna bona mewalihe sabi au bara tou. Rauli sabi iti, “Tauna iti mopakoi liliu Souna Pue Ala hai mopakoi Aturana Musa!

Suro 7:57

Roo indo, tadulako agama iti monganga-ngangamohe hai motabungimohe talinganda. Unga peahe lao mohaka Setepanu.

Suro 8:1

Saulu wori mampokana karapapatena Setepanu iti. Mepongka alo iti, ope-ope topepoinalai i Pue Yesu au ara i Yerusale rapopeahi-ahi mpuumohe, alana mahawuhe i humalele tampo Yudea hai Samaria. Batenda pearai surona Pue Yesu au barahe melangka.