Suro 5:39 - Sura Malelaha

³⁹ Agaiana ane hangko i Pue Ala, barahe peisa ninangi. Lawi ane niewahe, himbela peakau moewa Pue Ala.” Mewali, lolitana Gamaliel iti radoko tadulako.

Suro 5:39 ပူးပေါင်းရင်းမြစ်များ

Matiu 16:18

Mewali, ido hai rahangako Peturu, lempona ‘watu’. Hai i wongko watu ide, Kuaro souNgku lempona, Kugulu ope-ope tauna au mampoinalaiNa. Ope-ope kuasa tokadake bara peisa monangihe.

Lukasi 21:15

Lawi Iko ina mowoli i lalumi pehanami au manoto alana bara rabuku iwalimi mosapuaka apa au niuli.

Suro 11:17

Mewali, halalu, nauri barahe to Yahudi, agaiana naweimohe Pue Ala Inao Malelaha, nodo au Naweike anti pepoinalainta i Pue Yesu Kerisitu. Ane nodo, hemana pae ide iko, pane peisana moewa tunggaiana Pue Ala?”

Suro 23:9

Kahopoana, rumihimi pombehanainda. Ara bahangkia guru agama meangka sambelahe hai toParisi hai mehanaihe, rauli, “Moula pelambiaki, tauna iti bara masala. Babila ara malaeka ba tomate au mololita iria.”

Suro 6:10

Agaiana tauna iti bara rabuku mohanai apa au nauli Setepanu, lawi Inaona Pue Ala mopakanoto laluna mololita.

Suro 7:51

“Halalu-halalu! Rumihi mpuu pengkabatumi hai pembongomi! Mengkantulikau mampehadingi lolitana Pue Ala! Himbelakau hai toiorunta hangkoia, lawi mosapuaka liliukau Inao Malelaha.

Suro 9:5

Nauli Saulu, “Tua, hemaKo?” Mehana au mololita iti, Nauli, “Ikomi Yesu, au nupopeahi-ahi!

1 Korintu 1:25

Ane mopahawengkai kapatena Kerisitu au rapaku i kau mombehape, raimbangkai tontuli. Agaiana katouana, meliu kamapandena Pue Ala hangko i kapande manusia. Moula lolita manusia, tunggaiana Pue Ala iti bara mobundu. Agaiana meliu kuasana Pue Ala hangko i kuasa manusia.

1 Korintu 10:22

Ba baikau mopaara karumpuna Pue? Ba niuli meliu kamarohonta hangko i Pue?