Suro 5:36 - Sura Malelaha

³⁶ Lawi bahangkia parena liu, ara hadua tobalilo au rahanga Teudas au mopahawe kaiana tauna au makuasa. Mewali, bosa tauna meula iria, ba aratomohe pae iba atuna. Agaiana kahopoana ia rapapate, hai topeguruna mahawuhe, alana pepaturona barapi pulo.

Suro 5:36 ပူးပေါင်းရင်းမြစ်များ

Matiu 24:24

Lawi ina hawe bosa tauna au mepakanawo au manguli Datu Topehompohe ba nabihe. Ina mobabehihe tanda kuasa hai tanda au metingkarai bona mopakanawohe bosa tauna. Ane peisa, mogalo tauna au napilei Pue Ala, rapakanawo wori.

Matiu 24:26

Mewali, ane ara au mouliangaakau: ‘Peita, Datu Topehompo ara indolou i pada wungi,’ ineekau lao! Ane rauli: ‘Peita, ara inditi i lalu sou,’ ineehe nipoinalai!

Matiu 24:5

Lawi bosa tauna ina mai hai mangulihe kaihiranami Datu Topehompo. Bosa tauna ina rapakanawo.

Suro 21:38

Ane nodo, manoto barako to Masiri au mohuweki lalunda tauna bosa hai moanti iba sabuna topeewa lao i pada wungi.”

Suro 5:35

Roo indo, Gamaliel mopahawe lolitana, nauli, “Halalu-halalu to Yahudi! Nipekiri maroa hampai, apa au hangangaa nibabehi i tauna iti.

Suro 8:9

I lalu wanua iti, ara hadua tobalilo au rahanga Simo. Simo iti, hadua topobalimata au mahaemi mampopaita isana au metingkarai i to Samaria. Nauli kaiana tauna au mahile kuasana.

Galatia 2:6

Mewali, tadulako i Yerusale au mapangka lantinda barahe motambai ba apa pea i paturongku. (Au mapangka lantinda ba bara, himbela peake ope-ope, lawi Pue Ala bara mampopontani tauna.)

Galatia 6:3

Ane ara hadua tauna au moimba tuwona melumbu, moleri barato, himbela pea mampodongkoa watana haduduana.

2 Peturu 2:18

Polololitanda mampemahile, hai bara mobundu. Modiihe lalunda tauna hai peundeanda au merikai alana tauna iti rapakanawohe, moleri tauna iti bara manihe mahae mopalehi babehianda au kadake.

2 Peturu 2:2

Agaiana kehapiri nodo, bosa tauna ina moula babehianda au merikai, alanda tauna ntanina ina mopapakoi paturona Yesu au tou.

Yudasi 1:16

Guru au mepakanawo iti mohume-hume peamohe hai mosasalaihe ranganda. Moula peahe peundeana lalunda au kadake. Anti ope-ope babehianda, mampemahilehe, hai moore-ore peamohe ranganda bona mohumbahe rasi.

Pampetudungia 17:3

Nakuasaina Inao Malelaha, hai malaeka iti moantina lao i pada wungi. Inditi kuita hadua towawine au mesawi i hambaa binata au malei ntepuu, hai i humalele watana teuki lolita pekakabosai i Pue Ala; waana binata iti pitu hai tanduna hampulo mbuana.

Pampetudungia 17:5

I wingkena, teuki hanga au tewuniangi lempona, node: “Wanua Babeli au Mahile, inanda ope-ope tauna au kadake babehianda hai pentumbuana mampopengaa babehia au bara hintoto i dunia.”