Suro 5:35 - Sura Malelaha

³⁵ Roo indo, Gamaliel mopahawe lolitana, nauli, “Halalu-halalu to Yahudi! Nipekiri maroa hampai, apa au hangangaa nibabehi i tauna iti.

Suro 5:35 ပူးပေါင်းရင်းမြစ်များ

Matiu 27:19

I tempona Pilatu mohuda mobotusi kara-kara kana i Yesu, hawemi hadua suro hangko i towawinena au mouliangaa, “Inee nuhuku tauna au bara masala iti! Anti kaIana panena mangipi au mewulungai inona kaindi.”

Suro 19:36

Bara ara hadua au peisa mosapuaka iti. Ido hai hangangaa mandiike hampai, ineeke naanti kamamuna lalunta.

Suro 22:26

Kanahadina tadulako iti lolitana, laomi i toiwongkona, nauli, “Tua, moapari hai nutudungkai mopapahai tauna iti? Tauna iti to Roma!”

Suro 5:34

Agaiana i olonda tadulako iti, ara hadua toParisi au rahanga Gamaliel. Gamaliel iti, guru agama au rabila ope-ope tauna. Meangkami Gamaliel motudu tauna moantihe suro iti lao hampai i raoa.

Suro 5:36

Lawi bahangkia parena liu, ara hadua tobalilo au rahanga Teudas au mopahawe kaiana tauna au makuasa. Mewali, bosa tauna meula iria, ba aratomohe pae iba atuna. Agaiana kahopoana ia rapapate, hai topeguruna mahawuhe, alana pepaturona barapi pulo.