Suro 5:33 - Sura Malelaha

³³ Karahadina tadulako lolitanda suro iti, rumpu ntepuumohe, hai rapeinaomi mopapate surona Pue Yesu.

Suro 5:33 ပူးပေါင်းရင်းမြစ်များ

Matiu 1:19

Yusupu, hampomanuna, tauna au manoto poantina. Ido hai nauli laluna, “Kubotuki ngkandii pomanungku hai ia,” lawi bara naunde mopakaea Maria.

Matiu 10:21

Hambela tempo, tauna ina mohuhuhe halalunda ba ananda au meulahe Iriko bona rapapate. Ara wori anangkoi au ina moewa tosaenda hai ina nahuhuhe rapapate.

Matiu 10:25

Apa au mewali i hadua guru, iti wori au ina mewali i topeguruna. Apa au mewali i hadua tuana, iti wori au ina mewali i hawina. Maroa-roakau, lawi Iko, Ampumi, hai ikamu, topeguruNgku. Mewali, ane rapana Iko rahanga Beelsebul, datunda ope-ope seta, pelumbunami ikamu au meula Iriko. Ina rakakabosai worikau.”

Matiu 24:9

I tempo iti, ikamu ina rahaka hai rahuhu i tauna bona rapopeahi-ahikau hai rapapatekau. Anti peulami Iriko, tauna i humalele dunia ina mokahihikau.

Lukasi 20:19

Guru-guru agama hai kapala-kapala tadulako mpenomba moisa kaihirana au natunggai Yesu i lalu ngkora pandiriNa inona. Ido hai arami tunggaianda mohaka Yesu i tempo iti. Agaiana barahe bai, lawi mampokalangahe tauna bosa.

Lukasi 6:11

Hangko indo, rumpu ntepuumohe guru agama hai toParisi. Ido hai mogombomohe mohaoki akala, ba apa au ina rababehi i Yesu.

Yohane 15:20

Nikatuinao apa au Kuuliangaakau inona: hadua hawi bara meliu karabilana hangko i ampuna. Mewali ane Iko rapopeahi-ahi, ikamu wori ina rapopeahi-ahi. Ane arahe tauna au moula lolitaNgku, batenda mampeulai wori lolitami.

Yohane 16:2

Ina rawurakau hangko i sou penombaa. Hai bara iti pea, agaiana hambela tempo ane tauna mopapatekau, ina rauli, itimi peundeana Pue Ala.

Suro 2:37

Karahadina tauna bosa lolitana Peturu iti, tebalikimi lalunda, hai mekunehe i Peturu hai i surona Pue Yesu au ntanina, rauli, “Halalu-halalu, ane nodo, apami au hangangaa kibabehi?”

Suro 22:22

Tauna bosa au tanganda mampehadingi Paulu mololita unga peahe monganga-nganga, lawi mohadihe lolitana paulu, au manguli kaina laona i tauna au bara to Yahudi. Mongangahe masisimbuku, rauli, “Nipapate peami! Barapi hintoto tuwo!”

Suro 7:54

Karahadina tadulako iti lolitana Setepanu, rumpu mpuuhe hai koi inaonda.

Suro 9:23

Bahangkia alona hangko inditi, mogombomohe to Yahudi bona mopapate Saulu.