Suro 5:16 - Sura Malelaha

¹⁶ Mewali, mokoloromohe tauna hangko i boea-boea au hungku, laohe i wanua Yerusale moanti halalunda au mahai hai tauna au napesuangi seta. Ope-opehe rapakaoha.

Suro 5:16 ပူးပေါင်းရင်းမြစ်များ

Matiu 2:16

Kanaisana Herode karaakalangina to Mata alo, rumihi ntepuu karumpuna. Ido hai napohawaami surodadona lao mopapate ope-ope anangkoi tobalilo i Beteleme hai i boea au hungku inditi bona Anangkoi au ina mewali datu kana wori rapapate. Naisa mpuu Herode impira pesupana betue iti, lawi napekune hangkoia i to Mata alo. Ido hai natuduhe bona ope-ope anangkoi tobalilo i Beteleme rapapate, mepongka i analei au hangko rapoanaka hawe i anangkoi au romparemi tinuwunda.

Matiu 4:24

Pobagona Yesu tebambari i ope-ope boea i tampo Siria, alana bosa tauna au mai mampeinaohe mohidupa hai Ia. Tauna iti moantihe ranganda ba halalunda au mantodiha ngkaia pakana hakinda hai kaparinda, au napesuangi seta, au mohaki dungka, hai au palu. Yesu mopakaohahe ope-ope.

Matiu 8:16

Kalumbami, bosa tauna mai i Yesu moanti ranganda hai halalunda au mahai hai au napesuangi seta. Yesu mampopeloho seta iti hai lolitaNa pea, hai tauna ntanina au mahai Napakaoha worihe.

Lukasi 5:17

Hambela tempo, tangana Yesu mepaturo, arahe bahangkia toParisi hai guru-guru agama au mohuda inditi. Ihira hawe hangko i boeanda i tampo Galilea, Yudea, hai hangko i wanua Yerusale. Kuasana Pue Ala ara i Yesu, ido hai Nabuku mopakaoha tomahai.

Lukasi 6:18

Hawehe inditi, lawi mampeinaohe mohadi lolitana Yesu hai merapihe bona Napakaohahe. Au napesuangihe seta Napakaoha worihe.

Lukasi 9:11

Agaiana kalaoanda raisa tauna bosa, ido hai mekulelehe. Kahawenda i Yesu, Nadokohe hai Napaturoahe kana i poparentana Pue Ala. Hai hema pea au mahai, Napakaoha.

Yohane 14:12

Tou mpuu lolitaNgku ide: tauna au mepoinalai Iriko, peisahe mobabehi nodo au Kubabehi, ba melumburi hangko i apa au Kubabehi, lawi ina laomoNa i UmaNgku.

Suro 4:30

Nupopaitaahe kuasaMu Pue. Nuweingkai kuasa hangko i Yesu, tuduaMu au Malelaha bona kibuku mopakaoha tauna au mahai hai mobabehi tanda au metingkarai.”

Suro 5:15

Ngkaia tanda kuasa au rababehi suro iti, ido hai bosa tomahai raanti hai rapopaturuhe i ale i wiwi rara. Rababehi nodo lawi raharunga ane Peturu moliu inditi, nau bao-baona pea kana watanda tomahai iti, batenda maoha.

Suro 5:17

I tempo iti, Tadulako Mpenomba Mahile hai rangana au mampeulai paturonda toSaduki, mahina mpuuhe i surona Pue Yesu. Ido hai rapepongkami tunggaianda.

1 Korintu 12:9

I tauna ntanina, Nawei pepoinalai au maroho. Hai i tohaduana, Inao Malelaha mowei kuasa mepakaoha.

Yakobu 5:16

Ido hai hangangaa mangaku salakau i hangka rangami, hai mombepekakaeakau bona maohakau. Tauna au manoto babehianda pemoso mpuu pekakaenda.