Suro 4:7 - Sura Malelaha

⁷ Teruhu hahamohe, motudumohe tauna lao moala Peturu hai Yohane raanti i lindonda. Kahawenda, mekunemohe tadulako iti i Peturu hai Yohane, rauli, “Noumba pane nibuku mopakaoha topalu iti? Hangko iumba mai rohomi, hai hema au moweikau kuasa mobabehi iti?”

Suro 4:7 ပူးပေါင်းရင်းမြစ်များ

Matiu 21:23

Roo indo, Yesu mesua i lalu Souna Pue Ala hai mepaturo. Tangana mepaguru, hawemohe kapala-kapala tadulako mpenomba hai totosaenda to Yahudi mekune Iria, rauli, “Nuuliangaangkai, hangko iumba kuasaMu mobabehi ope-ope iti i Souna Pue Ala? Hema au moweiKo kuasa iti?”

Markus 11:28

Mekunehe i Yesu, rauli, “Nuuliangaangkai, hangko iumba kuasaMu mobabehi ope-ope iti i Souna Pue Ala. Hema au moweiKo kuasa iti?”

Yohane 2:18

Hangko inditi, tadulakonda to Yahudi mouliangaa Yesu, “Hema au moweiKo kuasa mobabehi iti? Ane ara mpuu kuasaMu, Nupopaitaangkai hambua tanda kuasa!”

Yohane 8:3

Tangana Yesu mepaturo, hawemohe guru agama hai toParisi moanti hadua towawine au ralambi tonto mokara-kara, rapopeangka i olonda tauna bosa.

Yohane 8:9

Karahadina tadulako to Yahudi lolitana Yesu iti, padu ngkandiimohe hadua-hadua, mepongka hangko i tosae hawe i au mangura. Kahopoana, opemohe padu; Yesu pearai hai towawine iti au ara indo.

Suro 4:10

Mewali bona niisa, hai bona raisa wori ope-ope halalunta to Yahudi, tauna ide maoha hai nabuku meangka inde anti kuasana Yesu Kerisitu to Nasare. Yesu iti nipaku i kau mombehape, agaiana Pue Ala mopatuwo hule.

Suro 4:6

Ara worihe i pogombo iti Tadulako Mpenomba Mahile Hanas, Kayapas, Yohane, Aleksander hai halaluna Tadulako Mpenomba Mahile.

Suro 4:8

I tempo iti, Peturu nakuasai Inao Malelaha, hai mololitami, nauli, “Uma-uma, tadulakonda tauna bosa hai tadulako agama!

Suro 5:40

Roo indo, suro iti rakakio hulemohe, rapapahaihe hai rauliangaahe, “Ineemokau mepaturo mokabelai hangana Yesu!” Hangko indo, rakabahamohe.