Suro 4:29 - Sura Malelaha

²⁹ Pue, ide-ide Nuhadimi lolitanda tauna au mampopalangangkai! Ido hai kiperapi Irio bona ikami hawiMungkai ide, Nuweingkai roho lalu datingkai langa mopahawe NgkoraMu.

Suro 4:29 ပူးပေါင်းရင်းမြစ်များ

Suro 13:46

Agaiana Paulu hai Baranaba pebaihe mouliangaa to Yahudi iti, “Katouana, Ngkorana Pue Ala nguru-nguruna hangangaa rapahawe hampai irikamu to Yahudi, agaiana bara nidoko. Ikamu haduduami au mopakanoto kadami hintoto molambi katuwo maroa au bara mokahopoa. Ido hai ina kipalehimokau lao i tauna au barahe to Yahudi!

Suro 14:3

Maidamohe Paulu hai Baranaba bahangkia kamahaena i wanua iti. Barahe langa mopahawe bambari kana i Pue. Pue moweihe kuasa mobabehi tanda au metingkarai bona manoto i ope-ope tauna katouna Ngkora Marasa au raanti. Ngkora Marasa iti mampololita kabulana laluna Pue Ala au mowei katuwo maroa i manusia.

Suro 19:8

I lalu talu wulana Paulu i wanua Epesu, ia lao liliu i sou penombaanda to Yahudi. Ia mopaturo tauna au teruhu inditi, hai bara langa-langa mopakanotoahe kana i poparentana Pue Ala bona rapoinalai.

Suro 26:26

Naisa wori Datu Agripa pewalina au kuuli inona. Ido hai barana langa mololita nodo i lindona. Kupekiri bara ara au bara mani nahadi Datu Agripa, lawi ope-ope au mewali hangkoia iti bara tewuniangi.

Suro 28:31

Hai bara ara kalanga-langana mopahaweahe kana i poparentana Pue Ala hai kana i Pue Yesu Kerisitu. Hinangkana iti, bara ara au mosalempori.

Suro 4:13

Tingkara mpuumohe tadulako iti moita kapebainda Peturu hai Yohane mololita. Apa mani Peturu hai Yohane, tauna biasa peahe au barahe mosikola. Raisa wori ihirami au hihimbela hai Yesu.

Suro 4:21

Hangko indo, rumihimi karumpunda tadulako iti, pane mampopalangahe Peturu hai Yohane. Kahopoana rakabahamohe. Bara ara rara mohukuhe lawi ope-ope tauna motoia Pue Ala anti tanda kuasa au rababehi iti.

Suro 4:31

Karoonda mekakae, modua-duami sou au rapaidai, hai nakuasaimohe Inao Malelaha. Ido hai bai mpuumohe mopahawe Ngkorana Pue Ala i tauna bosa.

Suro 9:27

Agaiana laomi Baranaba mampohimada Saulu, hai naporangai lao i suronahe Pue Yesu. Baranaba motuntuahe noumba Saulu moita Pue Yesu i polumaona lao i wanua Damsik, hai noumba Pue mololita iria. Napahawea worihe kapebaina Saulu mopahawe bambari kana i Pue Yesu i Damsik.

Suro 9:28

Mewali, maidami Saulu inditi hai halalu hampepepoinalaina iamohe surona Pue Yesu. Hihimbelahe mopahawe bambari kana Pue Yesu i humalele Yerusale hai bara ara kalangana.

1 Korintu 14:13

Ido hai kuuliangaakau, hema au mololita i lalu basa au hangko i Inao Malelaha, agina merapi i Pue bona molambi kapande mopalimba lempona basa iti bona raisa ope-ope rangana lempona lolitana.

2 Korintu 3:12

Mewali, anti peharungangki i dandina Pue Ala au wou, ido hai barangkai langa mopahawe Ngkora Marasa i kanoto-notoana.

Pilipi 1:14

Nodo wori, pepoinalainda bosa to Sarani inde tepakaroho, lawi moitahe noumba Pue motulungina i karatarungguku, alana barapohe langa, kapepebaiarihe mopahawe Ngkorana Pue Ala.

1 Tesalonika 2:2

Niisami tuntukana halalu! Hangko damaningkai hawe i boeami, rapopeahi-ahingkai hai rakakabosaingkai i wanua Pilipi. Hai nauri raewangkai tauna, Pue Ala mopakaroho lalungki datingkai langa mopaliliu pobagongki mopahaweakau Ngkora Marasa au hangko i Pue Ala.

2 Timotiu 4:17

Nauri bara ara rangangku au mamporangaina, agaiana naporangai liliuna Pue. Naweina karoho mopahopo bagongku mopahawe Ngkora Marasa bona ope-ope tauna au barahe to Yahudi peisahe mohadi bambari iti. Kahopoana, tekabahana hangko i kapate.