Suro 28:4 - Sura Malelaha

⁴ Karaitana ampu boea ile iti mengkalitoe i taiena Paulu, raulimi, “Manoto tauna iti topepapate! Peita, nauri bara molambi rugi i tahi, agaiana Anitu Topebotusi bara mampogiangaa tuwo!”

Suro 28:4 ပူးပေါင်းရင်းမြစ်များ

Matiu 27:25

Mehanahe tauna bosa, rauli, “Io, ikami hawe-hawe i pemuleangki au mohalea kapateNa.”

Lukasi 13:2

Kanahadina Yesu lolitanda, Nauli, “Ba nipehangu to Galilea iti rapapate nodo lawi melumbu dosanda hangko i ranganda?

Lukasi 13:4

Ara wori hampulo hai ualu tauna au mate lawi nadungkangi sou au mapangka i Siloam au ara i Yerusale. Ba nipehangu kapatenda iti mewali nodo lawi melumbu dosanda hangko i ope-ope tauna ntanina i Yerusale?

Yohane 7:24

Ineekau mosalai rangami moula pea apa au niita, agaiana hangangaa nibotusi i kanoto-notoana.”

Suro 28:2

Maroa mpuu lalunda ampu boea irikami. Radoko maroangkai, rapatuwoangkai api kipamindui, lawi mepongkami keuda hai makuli.

Suro 28:3

Laomi Paulu mogulu daa-daangkau hai nawoli i tumu api. Kanawolina peami, unga pea mai mesuwu hambaa ile hangko i lalu daa-daangkau, lawi mamu nahonga api. Ile iti liliu motilo taiena Paulu.

Suro 28:5

Agaiana barato napomahai Paulu. Ile iti nawalentaha pea i lalu api.

Pampetudungia 21:8

Agaiana tauna au langahe i hangka ranganda pane barahe meula Iriko, tauna au barahe mepoinalai Iriko, tauna au kadake babehianda, topepapate, topobabehi au merikai, topedoti, topenomba i anitu, hai topodongko, batenda rahuku i lalu tahi api au lolaa hai mawaa. Itimi au rahanga kapate karombelana.”