Suro 28:23 - Sura Malelaha

²³ Roo indo, rapakanotomi alo poteruhuanda hai Paulu. Hawe mpuumi alo au rapakanoto, bosa tauna teruhu i paidaana Paulu. Mepongka madondo hawe kalumba, napakanotoahe Paulu kana i poparentana Pue Ala, hai nabasaahe Aturana Musa hai Suranda Nabi-nabi, bona manoto irihira kahemana Yesu bona mepoinalaihe Iria.

Suro 28:23 ပူးပေါင်းရင်းမြစ်များ

Markus 4:34

Bara ara au Napaturoahe ane bara hai ngkora pandiri. Agaiana ane Ia pea hihimbela hai topeguruNa, hangko Napakanotori lempona ope-ope.

Lukasi 16:28

lawi ara manihe lima halalungku au maida indowei. Nutudu Lasaru mampopaingaahe kana i apa au mewali iriko dati worihe molambi paidaa au mapari ide.’

Lukasi 24:44

Roo indo, mololitami Yesu irihira, Nauli, “Ope-ope au teuki i lalu Sura Aturana Musa, suranda nabi hai i sura Petoia kana i wataNgku hangangaa tepabukei. Ide lolitaNgku au Kupahaweamokau i tempoKu mani hihimbela hai ikamu.”

Yohane 4:34

Ido hai nauliangaahe Yesu, “PaandeKu, iami mampeulaiNa peundeana Pue Ala au motuduNa, hai moparooNa bago au NaweiNa.

Suro 18:28

Anti kamapandena mololita, Apolo monangihe to Yahudi i lalu pombehanainda i lindonda tauna bosa. Hangko i Sura Malelaha, Ia mopatongawa kaYesuna Datu Topehompo au nadandimi Pue Ala.

Suro 18:4

Minggu-mingguna i alo Penombaa, laomi Paulu i sou penombaanda to Yahudi mopaturo tauna au teruhu inditi, maroa to Yahudi maroa to Yunani. Tunggaiana bona mepoinalaihe i Pue Yesu.

Suro 19:8

I lalu talu wulana Paulu i wanua Epesu, ia lao liliu i sou penombaanda to Yahudi. Ia mopaturo tauna au teruhu inditi, hai bara langa-langa mopakanotoahe kana i poparentana Pue Ala bona rapoinalai.

Suro 23:11

Kaindi iti, i karombenginami Paulu i sou surodado iti, unga pea Pue Yesu meangka i holana Paulu, Nauli, “Pakaroho lalumu. KuposabimoKo inde i Yerusale, hai batena ina kuposabi woriKo i wanua Roma.”

Suro 24:14

Agaiana kupangaku i Tua: kamampeulaingku Paturona Pue Yesu au rasapuaka iwalingku. Moula paturo iti, menombana i Pue Ala au rapenombai toiorungki hangkoia, hai batena kupoinalai ope-ope au teuki i lalu Aturana Musa hai Sura Nabi-Nabi.

Suro 26:6

Ido hai raparesana inde, anti peharungangku i dandina Pue Ala i toiorunta hangkoia.

Suro 28:31

Hai bara ara kalanga-langana mopahaweahe kana i poparentana Pue Ala hai kana i Pue Yesu Kerisitu. Hinangkana iti, bara ara au mosalempori.

Suro 8:35

Mewali, hintoto hai i pobasana inona, Pilipu mopatuntua Ngkora Marasa kana i Yesu.

Pilemo 1:2

Kipakatu wori i Apia, halalungki towawine au kipokaahi, hai i Arkipus, halalungki au hampopobago, hai i ope-ope jumaa au moguluhe i soumi.

Pilemo 1:22

Hai kuperapi wori bona nupasilolongaana haogu lincu i soumu, lawi kuharunga Pue Ala ina mohanai pekakaemi bona tekabahana hangko i tarunggu ide, alana peisakau kusondaki.