Suro 28:14 - Sura Malelaha

¹⁴ Inditi mampohidupaangkai bahangkia halalu hampepepoinalaingki. Rakakiongkai lao i sounda hai rapotorarengkai i lalu haminggu. Hangko inditi, molumaomongkai lao i Roma.

Suro 28:14 ပူးပေါင်းရင်းမြစ်များ

Matiu 10:11

Ane hawekau i hambua boea, nihaoki inditi tauna au maroa lalunda au raunde modokokau i lalu sounda. Hai maidakau inditi duumi meangka lao i boea ntanina.

Yohane 21:23

Hangko inditi, tebambarimi i topeulana Yesu, kadana ina mate topeguruNa iti. Agaiana au nauli Yesu bara nodo, noderi, “Ane Kuunde bona ia tuwo liliu duuNgku hawe i karombelana, bara paraluu nuisa!”

Suro 1:15

Hambela tempo, tauna au teruhu ba aratohe pae hangatu rompulo. I tempo iti, meangkami Peturu mololita i olonda halalu hampepepoinalaina, nauli,

Suro 19:1

Tangana Apolo i wanua Korintu, Paulu molumaohi boea-boea au i bulu i tampo Galatia hai Frigia, hai roo indo mendaulumi lao i wanua Epesu. Inditi ia mohidupa hai bahangkia topepoinalai.

Suro 20:6

Liumi alo mahilenda to Yahudi au rahanga Posusa Roti au Bara Raragii, mesawi mbulimongkai i kapala tahi mopalehi wanua Pilipi. Hopomi lima alona, mohidupa hulengkai hai rangangki i wanua Troas, hai inditi maidangkai haminggu kamahaena.

Suro 21:4

Inditi, mosondakingkai to Sarani hai maidangkai irihira haminggu kamahaena. Anti peninina Inao Malelaha, rangangki i Tirus mampopaingaa Paulu bona inee lao i Yerusale.

Suro 28:13

Hangko indo, kipaliliumi polumaongki menana i wiwi ntahi hawe i wanua Regium. Kahalona, himburu au maroa mewui hangko i Lau, hai i karongalona hawemongkai i wanua Putioli i tampo Italia.

Suro 28:15

I tanga rara maningkai, halalu hampepepoinalaingki au i Roma mohadihe kaina hawengki. Ido hai maimohe mepohidupaa i Pobalu-balua au rahanga Apius hai i Sou Pehupea Talu. I pohidupangki iti, Paulu motoiami Pue Ala, hai rapamatana laluna.

Suro 28:21

Rahanai to Yahudi iti, rauli, “Bara ara sura au kihumba hangko i Yudea au mampololita kana irio. Hai bara wori ara hadua tauna hangko inditi au mai moanti bambari ba mampololita dakemu.

Suro 6:3

Mewali, halalu-halalu, agina nipilei hangko i olomi pitu tauna au maroa babehianda, au nakuasai Inao Malelaha hai au mapande. Irihira au kiwei bago mokadipura pokira-kira paande iti.

Suro 9:30

Mewali, karaisana halalu hampepepoinalaina tunggaianda tauna iti, ia raporangaimi hawe i wanua Kaisarea. Hangko i Kaisarea, rapopeangkami lao i wanua Tarsus.

Roma 1:13

Halalu bona niisa bosami belana ara tunggaiaku lao mosondakikau, agaiana ara liliu au mohombokina. Tunggaiaku mosondakikau bona pobagongku ara wori wuana i olomi, nodo pobagongku au arami wuana i olonda tauna au barahe to Yahudi au arahe i wanua ntanina.