Suro 27:40 - Sura Malelaha

⁴⁰ Ope-ope koloro popotoe pantio au motaha kapala tahi rabotukimi, hai pantio iti rapogiangaa i lalu tahi. Nodo wori, koloro au motaka kamudi kapala tahi rakakahimi bona kapala tahi iti peisa rapopolengko. Homba kapala au kokoi rabinihi bona manoto polumaongki lao i wiwina.

Suro 27:40 ပူးပေါင်းရင်းမြစ်များ

Matiu 4:18

Tangana Yesu molumao i wiwi rano Galilea, Ia moita rodua tauna, iamohe Simo (au rahanga wori Peturu) hai Andaria, adina, au tanganda modala i rano, lawi itimi bagonda.

Suro 27:17

Duanga au kokoi iti, kiangkami i wongko kapala tahi. Roo indo, kapala tahingki rawewe hai koloro bona bara mapengka. Langamohe topobago i kapala tahi lawi rapekiri ina tehorengkai i kahehea tahi au hungku i tampo Libia. Ido hai hombana rapopendaulumi hai kapalangki rapogiangaami monanto-nanto.

Suro 27:41

Agaiana morumparingkai wungi au humoa, hai lindo kapalangki tetaha inditi, alana barapi peisa mokale. Ntanda i taleuna marupu narumpa balumba au mahile.