Suro 27:20 - Sura Malelaha

²⁰ Bahangkia alona, barangkai moita alo ba betue, hai angi bara maora. Mewali masusami lalungki, hai kipehangu ina marugimongkai.

Suro 27:20 ပူးပေါင်းရင်းမြစ်များ

Matiu 24:29

“Ane liu tempo kapari iti, ‘alo ina mobali mewali makaindi, wula barapi mewangka, hai betue ina manawo hangko i langi. Ope-ope au makuasa i langi ina rumihi kamagunegonda.’

Suro 27:19

Nodo wori kahalona, parewa kapala ratendemi i tahi.

Suro 27:21

Anti kadanapi naita inaonda maande, meangkami Paulu i olonda, nauliangaahe, “Halalu-halalu, ane kenipoinalai lolitangku bona ineeke padu hangko i Kreta, kebarake marugi node.

2 Korintu 11:25

Talumi belangku rahuku to Roma; rawombena hai lai. Hambela worina rawatui tauna au mampeinao mopapatena. Talu belana kapala tahi au kupesawii marugi i tanga tahi. Hambelana monanto-nanto i wongko tahi hambengia hai hangaloa.

Epesu 2:12

I tempo iti, barakau mohintuwu hai Kerisitu. Ikamu tauna au tepairaoa; barakau teimba to Yahudi au napileihe Pue Ala mewali taunaNa. Bara ara kirami i lalu dandina Pue Ala i to Isaraeli. Tuwokau i dunia ide, bara ara peharungami, hai barakau moisa Pue Ala.

1 Tesalonika 4:13

Halalu, tunggaiana lalungki bona moisa mpuukau apa au ina mewali i ranganta au matehe dati masusa ntepuu lalumi nodohe tauna au bara ara peharunganda i Pue Ala.