Suro 27:17 - Sura Malelaha

¹⁷ Duanga au kokoi iti, kiangkami i wongko kapala tahi. Roo indo, kapala tahingki rawewe hai koloro bona bara mapengka. Langamohe topobago i kapala tahi lawi rapekiri ina tehorengkai i kahehea tahi au hungku i tampo Libia. Ido hai hombana rapopendaulumi hai kapalangki rapogiangaami monanto-nanto.

Suro 27:17 ပူးပေါင်းရင်းမြစ်များ

Suro 27:16

Bara mahae hangko indo, kapalangki nawuimi himburu ntanda i Lau lewuto au kokoi au rahanga Kauda. I poliungki i lewuto iti, tererongkai haodi hangko i himburu. I tempo iti, kipari-parimi modii hambua duanga au kokoi au biasana rataka i taleu kapala tahi, au rahanga sekoci.

Suro 27:26

Nauri nodo, ina tehoreke hampai i hambua lewuto.”

Suro 27:29

Rapokalanga topobago i kapala morumpangkai pae watu rangka. Ido hai raulumi iba mbuana pantio i owai i taleu bona kapalangki tetaha. Kiundemi polo mabaa.

Suro 27:40

Ope-ope koloro popotoe pantio au motaha kapala tahi rabotukimi, hai pantio iti rapogiangaa i lalu tahi. Nodo wori, koloro au motaka kamudi kapala tahi rakakahimi bona kapala tahi iti peisa rapopolengko. Homba kapala au kokoi rabinihi bona manoto polumaongki lao i wiwina.

Suro 27:41

Agaiana morumparingkai wungi au humoa, hai lindo kapalangki tetaha inditi, alana barapi peisa mokale. Ntanda i taleuna marupu narumpa balumba au mahile.