Suro 26:9 - Sura Malelaha

⁹ Hangkoia moewa worina kuasana Yesu to Nasare.

Suro 26:9 ပူးပေါင်းရင်းမြစ်များ

Yohane 15:21

Ope-ope iti ina rababehiakau anti peulami Iriko lawi barahe moisa Pue Ala au motuduNa.

Suro 21:13

Agaiana nahanairingkai, nauli, “Moapari hai moteriakau? Ineekau mopamalede lalungku! Kehapiri rahiluna ba rapapate mpuuna anti peulangku i Pue Yesu, masilolongamona lao i Yerusale.”

Suro 22:3

“Iko to Yahudina. Boea karapoanakangku, Tarsus i tampo Kilikia, agaiana hangko koi-koi peamona maidamona inde, i Yerusale. Mosikolana inde, napaguru maroana hadua guru au rabila ntepuu, hangana Gamaliel. Napaturo ntepuuna ope-ope atura au naweihe Musa i toiorunta hangkoia hai madotana mampeulai ope-ope aturana Pue Ala, nodo ikamu.

Suro 22:4

Hangkoia mampopeahi-ahina tauna au mampeulai Paturona Yesu. Arahe au kupapate. Ara wori bosa tauna au kuhaka hai kutarunggu, maroa tobalilo maroa towawine.

Suro 22:8

Kupekune: ‘HemaKo?’ Nahanaina, nauli, ‘Ikomi Yesu to Nasare au nupopeahi-ahi.’

Suro 24:5

Paulu ide iami topegero-gero i ope-ope boea. Iumba-umba pea, ia mohuweki lalunda to Yahudi bona moewahe topoparenta. Hai ia idemi hadua tadulakonda tauna au mampeulai paturona Yesu to Nasare.

Suro 3:17

Halalu-halalu, ikamu hai tadulakonta au mopapatemokau Yesu. Agaiana kuisa, apa au nibabehi iti, nibabehi anti kadana niisa lempona.

Suro 3:6

Agaiana nauli Peturu, “Bara ara doi irikami. Agaiana apa au ara irikami, iti au kiweiko: i lalu hangana Yesu Kerisitu to Nasare, peangka hai lumaomoko!”

Suro 9:1

I tempo iti, koi ntepuu inaona Saulu, hai napeinao peami mampopalanga hai mopapate tauna au mepoinalai i Pue Yesu. Ido hai laomi i Tadulako Mpenomba Mahile

Suro 9:16

Hai ina Kutudungia wori hinangka kapari au hangangaa nahalea anti pobagona Iriko.”

Roma 10:2

Kuisa kamarohona poulanda ada penomba i Pue Ala lawi kusabikimi. Agaiana barahe moisa rara au manoto au napasilolonga Pue Ala.

Pilipi 3:6

I tempo iti mampeulai mpuuna agama Yahudi, duuna kupari-pari mampopeahi-ahi tauna au mepoinalai i Yesu. Kupeulai hinangka parenta au teuki i lalu Aturana Musa, bara ara tauna au peisa molambi kamasalangku.

1 Timotiu 1:13

Hangkoia mopapakoina Yesu hai mampopeahi-ahihe tauna au mepoinalai Iria. Agaiana nauri nodo, Napokaahi mpuuna, lawi i tempo iti bara manina mepoinalai Iria hai bara mani kuisa lempona apa au kubabehi.