Suro 26:4 - Sura Malelaha

⁴ Ope-ope to Yahudi moisa lolitakana katuwongku hungkaku mani mangura, lawi hangko koi-koipona maidamona i olonda hangka to Yahudingku i Yerusale.

Suro 26:4 ပူးပေါင်းရင်းမြစ်များ

Suro 22:3

“Iko to Yahudina. Boea karapoanakangku, Tarsus i tampo Kilikia, agaiana hangko koi-koi peamona maidamona inde, i Yerusale. Mosikolana inde, napaguru maroana hadua guru au rabila ntepuu, hangana Gamaliel. Napaturo ntepuuna ope-ope atura au naweihe Musa i toiorunta hangkoia hai madotana mampeulai ope-ope aturana Pue Ala, nodo ikamu.

Suro 24:14

Agaiana kupangaku i Tua: kamampeulaingku Paturona Pue Yesu au rasapuaka iwalingku. Moula paturo iti, menombana i Pue Ala au rapenombai toiorungki hangkoia, hai batena kupoinalai ope-ope au teuki i lalu Aturana Musa hai Sura Nabi-Nabi.

Galatia 1:13

Niisa, halalu, lolitakana katuwongku hangkoia i poulangku agama Yahudi. Bosa mpuuhe rangangku au moula agama Yahudi, agaiana ikomi au melumbu peulangku i ope-ope atura agama, lawi hangko i lalungku mpuu moulana adanda toiorungki. Hai i tempo iti, kupari-pari mampopeahi-ahihe ope-ope to Sarani, lawi kupeinaohe kupatuna.

Pilipi 3:5

I kaualuna alona tinuwungku, ratilemona moula Aturana Musa. Iko to Ibarani mpuuna, pemuleanana to Isaraeli hangko i tina Benami. Hangko damanina mepoinalai i Pue Yesu, kupeulaimi Aturana Musa moula pepaturonda toParisi.

2 Timotiu 3:10

Agaiana oio Timotiu, lawi mahaemoko kuporanga, nuisami paturongku hai babehiangku hai tunggaiana lalungku. Nuita mpuumi pepoinalaingku, kasabarangku, kamaahingku, hai kamantahaku i lalu kapari.