Suro 26:24 - Sura Malelaha

²⁴ Tangana mani Paulu mopahawe notona, mongangami Festus, nauli, “Magilako Paulu! Kapandemu iti au moantiko magila.”

Suro 26:24 ပူးပေါင်းရင်းမြစ်များ

Markus 3:21

Mohadi apa au mewali iti, hawemohe halaluNa mai moala Yesu, lawi rauli Ia magilami.

Yohane 7:15

Tingkarahe to Yahudi mohadi lolitana Yesu, rauli, “Noumba pane Naisa ope-ope au teuki i lalu Sura Malelaha, lawi Ia bara mapangka posikolaNa?”

Yohane 8:48

Rauli to Yahudi, “Tou mpuu au kiuli! NodoKo to Samaria au napesuangi seta.”

Yohane 8:52

Rauli to Yahudi, “Ide-ide kiisa napesuangi mpuukowei! Burahima, matemi. Nodo wori ope-ope nabi hangkoia, matemohe. Agaiana Nuuliri hema au mampeulai lolitaMu barahe ina mate i hae-haena.

Suro 17:32

I karahadina lolitana Paulu, arahe au moele-ele, lawi barahe mampoinalai kaarana tauna au peisa tuwo hule. Agaiana, ara worihe au manguli, “Kiunde mampehadingi mbuli lolitamu iti.”

Suro 22:1

Nauli Paulu, “Uma-uma, halalu-halalu! Nipehadingi wongkoia, lawi ina kuuliangaakau notongku.”

Suro 24:25

Paulu mololita i Feliks node: ikita hangangaa manoto babehianta, hai hangangaa tabuku morempeki peundeana lalunta, lawi ina hawe Alo Pehukuna Pue Ala. Kanahadina Feliks lolita iti, langami, pane nauli, “Nodomi hampai! Laomoko! Kukakio peako deade, ane ara katepakangku.”

Suro 24:27

Liumi rompare, Gubernur Feliks napahurumi Perkius Festus. Anti kanapeinaona Feliks mangala lalunda to Yahudi, ido hai Paulu napogiangaa ratarunggu liliu.

Suro 26:11

Bosa belanda kupopeahi-ahi i lalu sou penombaa, hai kupari-parihe mosapuaka pepoinalainda i Yesu. Masodo mpuuna moitahe, ido hai hawena i boea-boea au karao mampopeahi-ahihe.”

1 Korintu 1:23

Agaiana ikami, mopahawe peangkai kapatena Kerisitu au rapaku i kau mombehape. Bambari iti rapokakoinao to Yahudi, hai i tauna au barahe to Yahudi, bambari iti raimba pea lolita tontuli.

1 Korintu 4:10

Ikami raimbangkai tontuli lawi mopahawengkai bambari kana i Kerisitu, agaiana niuli ikamu to Sarani au mapandekau! Ikami, maledengkai, agaiana niuli ikamu maroho pepoinalaimi! Ikamu raadaikau tauna i dunia, agaiana ikami, rakakabosaingkai!

2 Korintu 5:13

Barato moapa ane rauliangangkai magila anti pobagongki i Pue Ala, lawi kiunde mpuu mobago i Pue Ala hangko lalungki. Agaiana ane manoto pekiringki, iti mewali lawi kiunde mpuu motulungikau.

2 Timotiu 3:15

Hai hangko koi-koi peamoko, nuisami apa au teuki i lalu Sura Malelaha. Sura Malelaha iti au peisa mopakanoto lalunta duuna mepoinalaike i Kerisitu Yesu hai tehoremake hangko i huku dosanta.