Suro 26:20 - Sura Malelaha

²⁰ Ido hai kupahawe i ope-ope tauna, hangangaa mampenosoihe dosanda hai mengkoruhe i Pue Ala, hai hangangaa mobabehihe apa au maroa bona tongawa penosonda. Nguru-nguruna bambari iti kupahawe i wanua Damsik, roo indo i Yerusale hai i humalele tampo Yudea, hai i tauna ntanina au barahe to Yahudi.

Suro 26:20 ပူးပေါင်းရင်းမြစ်များ

Matiu 3:2

nauliangaahe, “Menosomokau hangko i dosami, lawi barapi mahae ina hawe poparentana Pue Ala i dunia.”

Matiu 3:8

Ane tou-tou menosokau hangko i dosami, nibabehimide babehia au maroa.

Matiu 4:17

Mepongka hangko indo, Yesu mopahawe lolitaNa, Nauli, “Nipenosoimide dosami, lawi ina hawemi poparentana Pue Ala i dunia.”

Matiu 9:13

BaraNa mai mokakio tauna au manoto babehianda. Kamaingku ide, mokakioNa tomadosa bona menosohe hangko i dosanda. Mewali, nipekiri hampai apa lempona Ngkorana Pue Ala au teuki node: ‘Bara Kuperapi binata au nipopenomba Iriko. Au Kuperapi bona maahikau i hangka rangami.’ ”

Markus 6:12

Karoona Yesu mopaguruhe topeguruNa au hampulo hai rodua, meangkamohe lao mopaguru tauna bosa bona menosohe hangko i dosanda.

Lukasi 1:16

Hai i pepaturona, ia ina monini bosa to Yahudi bona mepoinalai hulehe i Pue Ala au rapenombai toiorunda hangkoia.

Lukasi 13:3

Bara! Agaiana ane barakau menoso hangko i dosami, batena worikau rahuku.

Lukasi 13:5

Bara! Agaiana ane barakau menoso hangko i dosami, batena worikau rahuku.”

Lukasi 15:10

Nodo wori kamatananda malaekana Pue Ala mampokatana hadua tomadosa au menoso hangko i dosana.”

Lukasi 15:7

Nodo wori i suruga, ane hadua tauna au madosa menoso hangko i dosana, melumbu kamatanana Pue Ala mampokatana tauna iti pane hahio pulona hai hahio tauna au manoto au bara paraluu menoso.”

Suro 11:18

Karahadina lolitana, barapohe mosalai Peturu. Hai motoiamohe Pue Ala, rauli, “Ide-ide tongawami irikami, Pue Ala modoko worihe tauna au barahe to Yahudi, hai Naweihe katepaka menoso hangko i dosanda duunda molambi katuwo maroa au bara mokahopoa.”

Suro 15:19

Napaliliumi Yakobu lolitana, nauli, “Mewali, idemi pelambiaku halalu. Ineeke mopakapari tuwonda tauna au barahe to Yahudi au mengkoruhe i Pue Ala.

Suro 17:30

Hangkoia, menombake i anitu. Nauri nodo, barake nahuku Pue Ala. Ia motuko pea mataNa i kantulita iti. Agaiana ide-ide, Natuduhe ope-ope tauna i humalele dunia bona menosohe hangko i dosanda.

Suro 2:38

Nahanai Peturu, “Hangangaa menosokau hadua-hadua hangko i dosami, hai hangangaa rariukau i lalu hangana Yesu Kerisitu. Ane nodo, Pue Ala ina moampungi dosami, hai Naweikau Inao Malelaha.

Suro 20:21

Kupopaingaa liliukau, maroa ikamu to Yahudi maroa ikamu au bara to Yahudi bona menosokau hangko i dosami hai mepoinalaikau i Amputa Pue Yesu.

Suro 26:17

Ina Kutuduko lao mobambari NgkoraKu i to Yahudi hai i tauna au barahe to Yahudi, agaiana rakahihiriko. Nauri nodo, batemu ina Kukabaha hangko i kuasanda.

Suro 26:19

“Datu Agripa au kubila, idomi hai kupari-pari mampeulai apa au nauliangaana Pue i lalu pampetudungiaNa iriko.

Suro 3:19

Halalu-halalu, ido hai hangangaa menosokau hangko i dosami hai mengkorukau i Pue Ala bona Naampungi dosami. Hangko indo, Pue Ala ina mopakaroho lalumi, hai motudu Yesu mai irikamu. Lawi Iami au napakanoto Pue Ala mewali Datu Topehorema.

Suro 9:15

Agaiana, Nauli mbuli Pue Yesu i Ananias, “Hangangaa laoko! Lawi Saulu iti, Kupileimi mewali topobagoNgku. Ia ina mopahawe hangaNgku i to Yahudi hai i tauna ntanina hawe-hawe wori i datu.

Suro 9:35

Ope-ope tauna i wanua Lida hai i tampo Saron moita kamaohanami Eneas, hai mepoinalaimohe i Pue Yesu.

Roma 2:4

Tou, laluna Pue Ala maroa, sabara hai mahile ahiNa. Agaiana inee nauli lalumi, “Barake paraluu mobaliki babehianta au kadake.” Nikatuinao, halalu tunggaiana kamaroana laluna Pue Ala bona tepakakau mampenosoi dosami.

2 Korintu 3:16

Agaiana ane mepoinalaimohe i Pue Yesu, tolombu iti ina rawungkehi hangko irihira.

2 Korintu 7:10

Lawi ara kasusa lalu au moula peundeana Pue Ala, hai kasusa iti moantike menoso hangko i babehianta au kadake, alana Pue Ala mohoremake hangko i huku dosanta. Kasusa iti inee tapenosoi, agaiana tapokatanari. Agaiana ane masusa lalunta nodo i tauna au bara mepoinalai i Pue Ala, kasusa iti barake moanti menoso hangko i babehianta au kadake, alana molambike kapate au mogaakike hangko i Pue Ala.

Epesu 4:17

Mewali, hai kuasa au naweina Pue, kuuli hai kupaturoakau: Ineemokau tuwo nodo katuwomi hangkoia au bara moisa Pue Ala, lawi au rapekiri bara mobundu

Pampetudungia 16:11

Hangko inditi, mopapakoimohe Pue Ala au i suruga anti kamahainda hai bihu iti. Agaiana barahe menoso hangko i babehianda au kadake.

Pampetudungia 2:21

Towawine iti Kuweimi katepaka bona menoso hangko i dosana, agaiana bara mau mokabaha babehiana au merikai.

Pampetudungia 2:5

Ido hai Kuuliangaakau: nipehadingi! Manawomokau i lalu dosa. Mewali, hangangaa menosokau! Nibabehimide apa au nibabehi nguru-nguruna. Lawi ane bara nibabehi nodo, i kahaweNgku deade, ina Kuingihi pambolia hulomi hangko i paidaana.

Pampetudungia 3:3

Ido hai Kuuliangaakau: hangangaa nikatuinao paturo au nihadi hai au nidoko hangkoia. Peulaimide apa au rapaturoakau iti, hai menosomokau hangko i dosami. Lawi ane barakau mainga-inga, bara ina niisa impira kahawengku, lawi kahaweNgku iti nodo kahawe topanangka.