Suro 24:24 - Sura Malelaha24 Bahangkia alona hangko inditi, hawe worimi Gubernur Feliks hai towawinena au rahanga Drusila. Drusila iti to Yahudi. Feliks motudu surodadona moanti Paulu i lindonda bona rapehadingi apa au napahawe kana i pepoinalaina i Kerisitu Yesu. အခန်းကိုကြည့်ပါ။ |
Nauri nodo, kiisa kadana babehiangki au maroa ba pampeulaingki Aturana Musa au mopamanotongkai i peitana Pue Ala. Ane taunde mewali manoto i peitana Pue Ala, hangangaa mampoinalaike Kerisitu Yesu. Ido hai mepoinalaimongkai i Kerisitu bona mewalingkai manoto i peitana Pue Ala. Barapi kiharunga peulanta i Aturana Musa, lawi bara ara hadua tauna au mewali manoto i peitana Pue Ala anti peulana i parenta-parenta au ara i Aturana Musa.
Halalu au kupokaahi! Nguru-nguruna au kekuukiakau i sura ide iami kana i katehorema au tahumba sambela hangko i Pue Ala. Agaiana ide-ide, tediimi lalungku mobaliki tunggaiaku au nguru-nguruna. Ide-ide kuukiakau sura ide bona nipakaroho pepoinalaimi i paturo au tou hai bona niewa liliuhe tauna au moanti paturo au sala. Lawi Pue Ala mopahawe paturo au tou irikita ope-ope au mewali kiraNa bona iti au tapoinalai, hai paturo iti bara peisa rabaliki.