Suro 24:22 - Sura Malelaha

²² Agaiana Gubernur Feliks moisa ntepuu apa au rapoinalai to Sarani kana i Yesu. Ido hai nauli, “Hampa indemi hampai pohuda-hudanta. Kubotusi rai kara-kara ide, ane hawe kapala tadulako surodado Lisias.”

Suro 24:22 ပူးပေါင်းရင်းမြစ်များ

Matiu 2:7

Kanahadina Herode lolitanda, nakakio ngkandiimohe to Mata alo dati raisa tauna ntanina. Napekunehe impira mpuu betue iti nguru-nguruna mesupa.

Suro 19:40

Lawi apa au tababehi ide peisa mopahurewuke. Peisake rarai topoparenta Roma. Ina rauli mopaarake peewa. Hai ane raraimoke, apami au ina tauli, lawi poteruhunta ide bara ara pongkana.”

Suro 24:10

Roo indo, Gubernur moonami taiena bona Paulu mololita. Mololitami Paulu, nauli, “Matana mpuuna, lawi raweina tempo mopahawe notongku i lindona Tua Gubernur. Lawi kuisa, i parenami Gubernur mewali topebotusi i tampoki.

Suro 24:14

Agaiana kupangaku i Tua: kamampeulaingku Paturona Pue Yesu au rasapuaka iwalingku. Moula paturo iti, menombana i Pue Ala au rapenombai toiorungki hangkoia, hai batena kupoinalai ope-ope au teuki i lalu Aturana Musa hai Sura Nabi-Nabi.

Suro 24:24

Bahangkia alona hangko inditi, hawe worimi Gubernur Feliks hai towawinena au rahanga Drusila. Drusila iti to Yahudi. Feliks motudu surodadona moanti Paulu i lindonda bona rapehadingi apa au napahawe kana i pepoinalaina i Kerisitu Yesu.

Suro 24:6

Apa mani, ia mampeinao mopakedai Souna Pue Ala. Ido hai kihakami. (Arami tunggaiaki mampohuda-hudaa kara-karana moula atura agamangki.

Suro 25:26

Agaiana bara mani ara kanotoana apa au ina kuuki i lalu surangku lao i Kaisar. Mewali, ido hai kuanti mai irikamu, lumbunami i Tua Datu Agripa au kubila. Tunggaiaku bona karoona poparesa ide, arami au peisa kuuki.

Suro 26:3

Apa mani lawi naisa mpuu Datu ada to Yahudi hai paturo au rapombehanaingi. Ido hai kuperapi wongkoia bona sabarako mampehadingi notongku.

Suro 9:2

merapi sura kuasa au peisa naanti lao i tadulako sou penombaa i wanua Damsik. Tunggaiana ane arahe nahumba tobalilo ba towawine au mampeulai paturona Yesu, ina nahakahe hai naantihe i Yerusale.