Suro 24:17 - Sura Malelaha

¹⁷ Bahangkia parena, paduna hangko i Yerusale. Roo indo, lao hulena bona moantina doi petulungi i halalungku to Yahudi hai moantina popenombaku i Pue Ala.

Suro 24:17 ပူးပေါင်းရင်းမြစ်များ

Suro 20:16

Paulu mopakanoto kadangki hampai mehupe i wanua Epesu dati gagangkai mahae i propinsi Asia. Ia mopahumpe polumaongki, lawi naunde polo hawe i Yerusale hangko damani hawe alo mahile au rahanga Pentakosta.

Suro 21:26

Napeulai mpuu Paulu paturonda iti. Ido hai kahalona laomi hihimbela hai rangana au iba mobabehi ada agama mpobahoi wata. Roo indo, mesuami Paulu i lalu Souna Pue Ala mopahawe i tadulako mpenomba kaimpirana ina hopo alo-alo pobahoi watanda. Lawi ane hopomi tempo pobahoi watanda, Paulu hai rangana au iba iti hangangaa mesua i lalu Souna Pue Ala hai moantihe popenombanda hadua-hadua.

Suro 24:26

Katouana, naharunga Feliks kaina naweina Paulu doi bona rakabaha. Ido hai Paulu paka nakakio molololita.

Roma 15:31

Mekakaekau i Pue Ala bona Nakampaina hangko i tauna au barahe mepoinalai i Pue ane laona deade i tampo Yudea. Mekakae worikau bona taunana Pue Ala au i Yerusale ina modoko maroahe doi petulungi au kuanti ide.

2 Korintu 8:6

Ido hai motudungkai Titu lao irikamu lawi iami au mampepongka bago ide, bona modureikau mogulu doi petulungimi i halalumi to sarani au meahi-ahi tuwonda. Mewali ide-ide kitudu mbuli lao irikamu bona mopaliliu bago iti i olomi.

2 Korintu 8:9

Barakau kuparentai halalu, lawi niisa mpuu kamahilena ahina Amputa Yesu Kerisitu irikita. Ia pebuku, agaiana anti kamahilena ahiNa irikita, Ia mewali nodo hadua tauna au meahi-ahi tuwona bona anti katuwoNa au meahi-ahi, ikita peisa mewali pebuku. Ia mopaiwoi tuwoNa mewali manusia bona ikita peisa molambi katuwo maroa.

2 Korintu 9:12

Popenombami iti ina mopabukei kamakuranda to Sarani i Yerusale. Hai bara iti pea, anti kabulana lalumi, bosa tauna manguli ngkaia kamaroana i Pue Ala.

Galatia 2:10

Hampaka pea pamperapinda irikami dati naliu inaongki motulungi tauna au meahi-ahi tuwonda, hai ido wori au kipeinao kibabehi.