Suro 24:15 - Sura Malelaha

¹⁵ Peharungangku i Pue Ala batena himbela hai peharunganda iwalingku ide: kupoinalai kaina arana tempo au napakanoto Pue Ala mopatuwo hule ope-ope tomate, maroa au manoto babehianda, maroa au kadake babehianda.

Suro 24:15 ပူးပေါင်းရင်းမြစ်များ

Matiu 25:46

Napahopo Yesu lolitaNa, Nauli, “Ope-ope tauna au kadake iti ina ratendehe i lalu naraka hai rahuku hawe i hae-haena, hai tauna au manoto ina molambihe katuwo maroa au bara mokahopoa.”

Lukasi 14:14

Ane nodo babehiamu, ina nawatiko Pue Ala, lawi bara rabuku tauna iti mohurungi babehiamu. Apa au nubabehi iti ina nahurungi Pue Ala i karapatuwonda hule ope-ope tauna au maroa babehianda.”

Yohane 11:24

Nauli Marta, “Io, au kuisa, ina tuwo hule i alo pebotusi, i karapopearonda ope-ope tomate.”

Suro 24:21

Batena pea lolitangku ide au rasalaiana, kuuli masisimbuku i lindonda: ‘Ide iko raparesana, lawi kupoinalai tauna au mate batena tuwo hule.’ ”

Pilipi 3:21

hai Ia ina mobaliki watanta au meahi-ahi ide duuna himbela hai wataNa au meawa ntepuu. Ope-ope iti, Nababehi moula kuasaNa au peisa mampopengkoru hinangkana Iria.

Pampetudungia 20:6

Morasihe hai malelahahe tauna au rapatuwo hule i pearonda tomate au nguru-nguruna. Bara mpuuhe ina rahuku i lalu naraka. Pehuku i lalu naraka iami au rahanga kapate karombelana. Tauna au rapatuwo hule i pearonda tomate au nguru-nguruna ina mewalihe tadulako mpenomba i Pue Ala hai i Kerisitu. Ina moparentahe hihimbela hai Kerisitu i lalu hasabu parena.