Suro 23:6 - Sura Malelaha

⁶ Naisa Paulu, i olonda tadulako iti, arahe au mampeulai pepaturonda toSaduki, ara worihe au mampeulai pepaturonda toParisi. Ido hai mololita i ope-ope tauna masisimbuku, nauli, “Halalu! Iko toParisina, pemuleanana toParisi. Panena rapohuda-hudaa inde, lawi kupoinalai, tauna au mate, batena tuwo hule.”

Suro 23:6 ပူးပေါင်းရင်းမြစ်များ

Matiu 10:16

“Maroa-roakau, lawi Kutudukau lao i tauna au kadake. Ikamu ina nodo dimba i olonda serigala. Hangangaa mapande-pandekau nodo ile, agaiana hangangaa nipamaalusu wori poantimi nodo tadasi manggebodo.

Matiu 22:23

I alo iti wori, arahe bahangkia toSaduki au hawe i Yesu. Tosaduki iti, iami tadulako agama Yahudi au manguli tauna au mate bara ina rapatuwo hule.

Matiu 3:7

Bosa wori tadulako agama Yahudi au rahanga toParisi hai toSaduki maihe mampoperiu i Yohane. Kanaitanda hawe, nauliangaahe, “Ikamu au motengko babehiami, moapari hai maikau? Ba nipehangu peisakau tekabaha hangko i karumpuna Pue Ala au ina morumpakau?

Suro 22:3

“Iko to Yahudina. Boea karapoanakangku, Tarsus i tampo Kilikia, agaiana hangko koi-koi peamona maidamona inde, i Yerusale. Mosikolana inde, napaguru maroana hadua guru au rabila ntepuu, hangana Gamaliel. Napaturo ntepuuna ope-ope atura au naweihe Musa i toiorunta hangkoia hai madotana mampeulai ope-ope aturana Pue Ala, nodo ikamu.

Suro 22:30

Kapala tadulako surodado iti mampeinao moisa ba apa mpuu salana Paulu pane rasalai to Yahudi. Ido hai kahalona, nakakiomohe ope-ope kapala-kapala tadulako mpenomba hai tadulako agama Yahudi au ntanina bona teruhuhe. Roo indo, rakabahami petakana Paulu hai raanti lao rapombelindoa.

Suro 22:5

Tadulako Mpenomba Mahile hai ope-ope tadulako agama peisa mopakanoto katouna ide lolitangku. Barana modongko, lawi hangkoia ihirami au moweina sura kuasa au mopaliuna lao i halalunta to Yahudi i wanua Damsik. Tunggaiaku lao i Damsik bona mohakana to Sarani au ara inditi, hai kuantihe i Yerusale bona rahuku.”

Suro 23:1

Kahawena Paulu i poteruhuanda, ia mototokihe ope-ope tadulako iti, nauliangaahe, “Halalungku! Duuna ide-ide, mengkoruna i Pue Ala moula kabulana lalungku.”

Suro 23:15

Mewali, kiperapi i uma-uma hai tadulako-tadulako i Pogombo Mahile Agama mopakatukau sura i kapala tadulako surodado to Roma, niperapi bona Paulu raanti hule i lindomi. Niuli ina niparesa mbuli kara-karana agaiana masilolongamongkai ina mopapate i tanga rara.”

Suro 23:20

Nahanai anangkoi iti, nauli, “Tua, arahe to Yahudi au mogombo. Tunggaianda, ina raperapi irio bona kahalo pinoumangku raanti i lindo tadulakonda to Yahudi, rauli bona raparesa mbuli kara-karana.

Suro 23:7

Karahadina toParisi hai toSaduki lolitana iti, mombehanaimohe hai barapohe hintuwu.

Suro 24:15

Peharungangku i Pue Ala batena himbela hai peharunganda iwalingku ide: kupoinalai kaina arana tempo au napakanoto Pue Ala mopatuwo hule ope-ope tomate, maroa au manoto babehianda, maroa au kadake babehianda.

Suro 24:21

Batena pea lolitangku ide au rasalaiana, kuuli masisimbuku i lindonda: ‘Ide iko raparesana, lawi kupoinalai tauna au mate batena tuwo hule.’ ”

Suro 28:20

Kukakiokau maina nipohidupaa lawi kupeinao kupololitaakau kana i pepoinalaingku i Datu Topehompo au rapepegiami to Yahudi. Ido hai pane ratahana inde.”

Pilipi 3:5

I kaualuna alona tinuwungku, ratilemona moula Aturana Musa. Iko to Ibarani mpuuna, pemuleanana to Isaraeli hangko i tina Benami. Hangko damanina mepoinalai i Pue Yesu, kupeulaimi Aturana Musa moula pepaturonda toParisi.

Kolose 1:5

Pepoinalaimi hai ahimi maroho, lawi meharunga mpuukau i apa au Napasilolongaakau Pue Ala i suruga, nodo au nihadimi i lalu paturo au tou au rapahaweamokau, iami, Ngkora Marasa.

Ibarani 6:19

Peharunganta ide nodo besi pantio kapala tahi au mewali pekingkiata au maroho bona dati marugi pepoinalainta. I lalu Souna Pue Ala, ara rindi bana au mohomboki rara manusia datihe peisa mesua i lalu Hologa au Malelaha Ntepuu. Agaiana ikita, barapi ara au mohomboki raranta hawe i lindona Pue Ala.