Suro 22:25 - Sura Malelaha

²⁵ Hawemohe inditi, ratakami Paulu bona rapapahai. Ido hai mololitami Paulu i hadua tadulako surodado au ara i holana, nauli, “Peisa pae hadua to Roma rapapahai ane bara mani raparesa hai rabotusi kara-karana?”

Suro 22:25 ပူးပေါင်းရင်းမြစ်များ

Matiu 10:17

Mainga-ingakau, lawi ikamu ina rahaka hai raanti lao i tadulako agama. Ina rapopeahi-ahiakau i lalu sou penombaa.

Matiu 27:54

Tadulako surodado hai surodadona au mokampai Yesu, langa mpuuhe mohadi linu hai moita ope-ope au mewali iti. Rauli, “Tou mpuu Ia ide Anana Pue Ala!”

Matiu 8:8

Nahanai tadulako surodado iti, “Barana hintoto Nusondaki. Kehapiri hantepo pea lolitaMu Nuuli, hangangaa maoha hawingku.

Suro 10:1

I wanua Kaisarea, ara hadua tobalilo, hangana Kornelius. Ia hadua tadulako au motadulakoi hangatu surodado au rahanga Surodado Italia.

Suro 16:37

Agaiana nauli Paulu i surodado iti, “Ikami ide to Romangkai. Bara hintoto ane hangko damani rapohuda-hudaa kara-karangki, rapapahaimongkai i lindonda tauna bosa hai ratarunggumongkai! Hai ide-ide nipeinao nipopeangka ngkandiingkai! Bara kiunde! Niuliangaahe, ihirari au hangangaa mai mokabahangkai.”

Suro 22:26

Kanahadina tadulako iti lolitana, laomi i toiwongkona, nauli, “Tua, moapari hai nutudungkai mopapahai tauna iti? Tauna iti to Roma!”

Suro 23:17

Roo indo, Paulu mokakio hadua tadulako surodado, nauliangaa, “Nuporangai anangkoi ide lao i tadulakomi, ara au ina napahawe.”

Suro 23:27

Ara hadua tauna au rahaka to Yahudi hai ina rapapate. Agaiana kuhadi tauna iti to Roma. Ido hai laona hihimbela hai surodadongku, kiala hoholiga hangko i olonda.

Suro 25:16

Agaiana kuhanaihe node: moula aturanda to Roma, tauna au rasalai bara mani peisa rahuhu i iwalina, ane bara mani rapohuda-hudaa kara-karana hai rapopombelindo hai tauna au mosalai. Ia hangangaa rawei wori tempo mopahawe notona.

Suro 27:1

Roo indo, rapakanotomi ina mosumombangkai lao i tampo Italia. Paulu hai bahangkia tauna ntanina au ratarunggu rahuhumi i Yulius, tadulakonda surodado to Roma au rapatokami mobago i Kaisar.

Suro 27:3

Kahalona, mehupengkai i wanua Sidon. Maroa mpuu laluna Yulius i Paulu, ido hai Paulu nawei katepaka mosondaki rangana i lalu wanua bona apa au naparaluu peisa rawei.

Suro 27:43

Agaiana nakontohe tadulakonda, lawi naunde bona Paulu inee rapopoapa. Ido hai motudumohe tauna au raisa monangu melumpa ioru i tahi hai monangu lao i lorena.