Suro 22:24 - Sura Malelaha

²⁴ Ido hai kapala tadulako surodado iti motudumi surodadona moanti Paulu mesua i sounda surodado bona rapapahai hai raparesa bona raisa pongkana apa au rakahihia to Yahudi.

Suro 22:24 ပူးပေါင်းရင်းမြစ်များ

Yohane 19:1

Roo indo, Pilatu motuduhe surodadona bona Yesu raala hai rakakandangi.

Suro 16:37

Agaiana nauli Paulu i surodado iti, “Ikami ide to Romangkai. Bara hintoto ane hangko damani rapohuda-hudaa kara-karangki, rapapahaimongkai i lindonda tauna bosa hai ratarunggumongkai! Hai ide-ide nipeinao nipopeangka ngkandiingkai! Bara kiunde! Niuliangaahe, ihirari au hangangaa mai mokabahangkai.”

Suro 21:34

Arahe au mohanai node, ara worihe au mohanai nodo. Anti pogewo-gewonda, bara naisa apa katotouana au mewali inona. Ido hai motuduhe surodadona moanti Paulu lao i sou surodado bona raparesa inditi.

Suro 21:37

Ina mesuamohe i lalu sou surodado, nauli Paulu i kapala tadulako surodado, “Ba peisa wongkoia mopahawe irihira hantepo rontepo lolita?” Nauli tadulako surodado iti, “Nuisariwei basa Yunani!

Suro 23:10

Hangko inditi, karurumihiari pombehanainda, alana kapala tadulako surodado iti mampokalanga Paulu ina rapombehepa-hepai. Ido hai natudumohe surodadona lao mangala Paulu raanti hule i sou surodado.

Suro 23:27

Ara hadua tauna au rahaka to Yahudi hai ina rapapate. Agaiana kuhadi tauna iti to Roma. Ido hai laona hihimbela hai surodadongku, kiala hoholiga hangko i olonda.

Suro 28:18

Kara-karangku raparesa topoparenta to Roma, hai rapeinao pea mokabahana, lawi manotomi kadana ara salangku au hintotona rapapatea.

Ibarani 11:35

Anti pepoinalainda, arahe towawine au molambi hulehe ananda au matemi, lawi rapatuwoa sulehe. Agaiana ara worihe au rapopeahi-ahi duunda mate anti pepoinalainda. Agindami rapapate panehe mosapuaka Pue Ala, lawi mampeinaohe rapatuwo hule bona molambihe katuwo au meliu kamaroana.