Suro 21:1 - Sura Malelaha

¹ Karoongki mepalakana i penatua au hangko i Epesu, kipalehimohe inditi hai mopaliliungkai polumaongki lao i tampo Siria. Mengkahemongkai i kapala tahi lao i lewuto Kos, hai kahalona hawengkai i lewuto Rodos. Hangko inditi, liliumongkai lao i boea Patara.

Suro 21:1 ပူးပေါင်းရင်းမြစ်များ

Lukasi 5:4

Roomi mepaturo, nauli Yesu i Simo, “Nubohe duangamu i kakaladuana, hai nitende dalami bona molambikau ikane.”

Lukasi 8:22

Hambela tempo, Yesu hai topeguruNa mesawihe i duanga. Nauliangaahe Yesu, “Laomoke ntanda i orupena rano.” Meangka mpuumohe.

Suro 27:2

Kapala tahi au kipesawii iami kapala tahi mahile au hangko i wanua Adramitium au masilolongami monontohi bahangkia wanua au i wiwi ntahi i propinsi Asia. Meangka mpuumongkai hai hadua rangangki au meula irikami iami Aristarkus, au hangko i wanua Tesalonika i tampo Makedonia.

Suro 27:4

Hangko inditi, kipaliliumi polumaongki. Anti karumihina pewui himburu, ido hai menana peangkai lewuto Siprus ntanda i Mata alo datingkai narumpa ntepuu himburu.

1 Tesalonika 2:17

Halalu, hangko i pogaanta au sangka ide, mabila mpuungkai irikamu. Kehapirike mogaa-gaa, agaiana ara liliukau i lalungki. Anti kamabilangki, kihaoki mpuu rara bona laongkai mesonda irikamu.