Suro 20:3 - Sura Malelaha

³ hai maida inditi talu wulana kamahaena. Liumi talu wulana, ina mosumombami mesule lao i tampo Siria. Agaiana nahadiri bambari kaina rapapatena to Yahudi. Ido hai nauli laluna Paulu, “Agina mesulena moliu i tampo Makedonia.” Mewali, lao mpuumi i Makedonia.

Suro 20:3 ပူးပေါင်းရင်းမြစ်များ

Matiu 4:24

Pobagona Yesu tebambari i ope-ope boea i tampo Siria, alana bosa tauna au mai mampeinaohe mohidupa hai Ia. Tauna iti moantihe ranganda ba halalunda au mantodiha ngkaia pakana hakinda hai kaparinda, au napesuangi seta, au mohaki dungka, hai au palu. Yesu mopakaohahe ope-ope.

Suro 16:12

Roo indo, mendaulumongkai hangko i kapala tahi, hai laongkai i wanua Pilipi, au rakamumu hai rapaidai to Roma, hai au mahile hangana i propinsi Makedonia. Inditi maidangkai bahangkia alona.

Suro 16:9

Tanga kaindi tanganda maturu i Troas, Paulu moita hambua pampetudungia. Naita hadua tobalilo au hangko i tampo Makedonia meangka i lindona, nauli, “Maimokau i Makedonia. Nitulungi wongkamia!”

Suro 18:18

Mahae mani Paulu maida i Korintu, hangko mepalakanari i halalu hampepepoinalaina. Roo indo, ia mengkahemi i kapala tahi lao i tampo Siria, hihimbela hai Priskila hai Akwila. Agaiana hangko damanihe meangka, Paulu mampopekou hampai weluana i boea Kengkrea, tanda kamopabukeinami dandina i Pue Ala. Hai moula adanda to Yahudi, ane hopomi tempo podandi, hangangaa rakou weluanda.

Suro 19:21

Liumi au mewali iti, Paulu moliwo lao i tampo Makedonia hai Akaya, hai roo indo ina lao wori i wanua Yerusale, nauli, “Roona i Yerusale, hangangaa laona i wanua Roma.”

Suro 20:1

Karoona posisisala i Epesu, Paulu moguluhe tauna au mepoinalai i Yesu hai napakaroho lalunda. Roo indo, mepalakanami hai mopaliliumi polumaona lao i tampo Makedonia.

Suro 20:19

mengkaiwoina i lalu pobagongku i olomi. I pampopolumaongku bagona Pue inde, bosa belangku moteria. Hai ngkaia wori kapari au kuhumba hangko i tunggaianda to Yahudi au mampeinaohe mopapatena.

Suro 20:2

I polumaona iti, ia mosondakihe to Sarani, hai napahaweahe ngkaia lolita bona maroho lalunda. Hangko inditi, lao wori i tampo Akaya, tamponda to Yunani,

Suro 21:3

I tanga polumaongki, moitangkai lewuto Siprus ntanda i kabeongki. Bara mahae hangko indo, hawemongkai i tampo Siria. Mendaulungkai hangko i kapala tahi i wanua Tirus, lawi antia kapala hangangaa rapopendaulu.

Suro 25:3

Merapihe i Festus bona i kamaroana laluna ia motudu tauna moanti Paulu lao i Yerusale. Moleri akalanda pea bona Paulu rapapate i tanga rara.

2 Korintu 1:15

Itimi peharungangku i apa au kuuli inona, ido hai hangkoia mangkaliwona lao mosondakikau, bona molambi mbulikau pewati.

2 Korintu 11:26

I lalu polumaongku, bosa belangku hurewu; narumpana owai meumbala. Molambina rugi i taienda topanangka. Rapopeahi-ahina to Yahudi. Rapopeahi-ahina tauna au barahe to Yahudi. Molambina rugi i lalu wanua hai i raoa wanua. Molambina rugi i wongko tahi. Molambina rugi hangko i tauna au mouli kaihirana halalungku hampepepoinalai, agaiana katouana bara!

2 Korintu 7:5

Nodo au kutuntumi, hangkoia meangkamongkai hangko i Troas lao i tampo Makedonia. Agaiana i kahawengki i Makedonia, bara wori tinda lalungki, lawi iumba pea kalaoangki, narumpangkai ngkaia kapari maroa hangko i raoa ba hangko i lalungki au buke kalanga.

Galatia 1:21

Hangko inditi, laomona i tampo Siria hai Kilikia.