Suro 20:1 - Sura Malelaha

¹ Karoona posisisala i Epesu, Paulu moguluhe tauna au mepoinalai i Yesu hai napakaroho lalunda. Roo indo, mepalakanami hai mopaliliumi polumaona lao i tampo Makedonia.

Suro 20:1 ပူးပေါင်းရင်းမြစ်များ

Suro 11:26

Kanalambina, naporangami lao i Antiokia hai maidahe inditi hampare kamahaena. Teruhuhe inditi hihimbela hai tauna au mepoinalai i Yesu, hai mopaturohe tauna bosa. Inditimi nguru-nguruna, tauna au mepoinalai i Yesu rauli to Sarani.

Suro 16:12

Roo indo, mendaulumongkai hangko i kapala tahi, hai laongkai i wanua Pilipi, au rakamumu hai rapaidai to Roma, hai au mahile hangana i propinsi Makedonia. Inditi maidangkai bahangkia alona.

Suro 16:9

Tanga kaindi tanganda maturu i Troas, Paulu moita hambua pampetudungia. Naita hadua tobalilo au hangko i tampo Makedonia meangka i lindona, nauli, “Maimokau i Makedonia. Nitulungi wongkamia!”

Suro 19:21

Liumi au mewali iti, Paulu moliwo lao i tampo Makedonia hai Akaya, hai roo indo ina lao wori i wanua Yerusale, nauli, “Roona i Yerusale, hangangaa laona i wanua Roma.”

Suro 20:10

Mendaulu worimi Paulu hangko i sou lao mokalapui anantomoane iti, nauli, “Ineekau langa, tuwo pea.”

Suro 20:2

I polumaona iti, ia mosondakihe to Sarani, hai napahaweahe ngkaia lolita bona maroho lalunda. Hangko inditi, lao wori i tampo Akaya, tamponda to Yunani,

Suro 20:3

hai maida inditi talu wulana kamahaena. Liumi talu wulana, ina mosumombami mesule lao i tampo Siria. Agaiana nahadiri bambari kaina rapapatena to Yahudi. Ido hai nauli laluna Paulu, “Agina mesulena moliu i tampo Makedonia.” Mewali, lao mpuumi i Makedonia.

Suro 20:37

Moteriamohe ope-ope mokalapui Paulu, rauliangaa, “Maroa-roako i rara.”

Roma 15:19

hai anti tanda-tanda kuasa au kubabehi hai kuasana Inao Malelaha. Hangko i wanua Yerusale hawe i tampo Ilirikum, kupahawemi Ngkora Marasa i ope-ope tauna, kupaturoahe kahemana Kerisitu.

Roma 16:16

Mombetabe-tabekau hangko i lalumi mpuu ane mombelambikau hai hangka to Saranimi. Ope-ope jumaa inde mopakatuhe tabeanda irikamu, halalu.

1 Korintu 16:20

Ngkaia tabea hangko i ope-ope halalumi inde. Ane mohidupakau i paminggu, mombetabe-tabe mpuukau hangko i lalumi.

1 Korintu 16:5

Arato tunggaiaku mosondakikau ane roomona mosondakihe to Makedonia, lawi kupeinao hampai lao irihira.

2 Korintu 13:12

Ane mohihidupakau, mombetabe-tabekau hangko i lalumi. Ope-ope to Sarani inde mopakatuhe tabeanda irikamu.

2 Korintu 7:5

Nodo au kutuntumi, hangkoia meangkamongkai hangko i Troas lao i tampo Makedonia. Agaiana i kahawengki i Makedonia, bara wori tinda lalungki, lawi iumba pea kalaoangki, narumpangkai ngkaia kapari maroa hangko i raoa ba hangko i lalungki au buke kalanga.

1 Tesalonika 5:26

Nipahaweangkai tabeangki hai niuliangaahe kamaahingki i ope-ope halalunta hampepepoinalai.

1 Timotiu 1:3

Kuperapi bona oio maida liliuko i Epesu nodo au kuuli hangkoia i peangkaku, mai inde i Makedonia. Lawi inditi arahe bahangkia tauna au moanti paturo au sala, hai hangangaa nukontohe bona ineehe moanti liliu paturo au mepakanawo.