Suro 2:43 - Sura Malelaha

⁴³ Surona Pue Yesu mobabehihe ngkaia tanda kuasa hai tanda au metingkarai. Ido hai tingkara mpuuhe tauna bosa.

Suro 2:43 ပူးပေါင်းရင်းမြစ်များ

Markus 16:17

I tauna au mepoinalai, ina Kuweihe kuasa mobabehi tanda kuasa au node: i lalu hangaNgku, ihira ina mampopelohohe seta. Ina mololitahe i lalu basa au bara raisa.

Lukasi 7:16

Tauna au moitahe apa au mewali iti, langamohe hai mepongkamohe motoia Pue Ala, rauli, “Hadua nabi au makuasa ntepuu ara i olonta! Hawemi Pue Ala irikita taunaNa.”

Lukasi 8:37

Ido hai ope-ope tauna i tampo Gerasa merapi i Yesu bona padu hangko i tamponda, lawi langa mpuuhe. Mewali mesawi mbulimi Yesu i duanga hihimbela hai topeguruNa, hai padumohe.

Yohane 14:12

Tou mpuu lolitaNgku ide: tauna au mepoinalai Iriko, peisahe mobabehi nodo au Kubabehi, ba melumburi hangko i apa au Kubabehi, lawi ina laomoNa i UmaNgku.

Suro 2:22

Hai napaliliu mbuli Peturu lolitana, nauli, “Halalungku to Yahudi! Nipehadingi apa au kuuliangaakau ide. Au kutunggai iami Yesu to Nasare. Ia pea au napilei hai napakanoto Pue Ala mewali TopobagoNa au Malelaha. Iti niisa lawi anti kuasana Pue Ala, Pue Yesu mobabehi ngkaia tanda kuasa hai tanda au metingkarai i olomi.

Suro 4:33

I tempo iti surona Pue Yesu molambihe kuasa au mahile bona mopahawehe katuwona hule Pue Yesu. Hai molambihe ope-ope pewati au mahile ntepuu hangko i Pue Ala.

Suro 5:5

Kanahadina Ananias lolitana Peturu, liliu madungka hai mate. Ope-ope tauna au mohadi apa au mewali, langa mpuuhe.

Suro 9:34

Nauli Peturu, “Eneas, Yesu Kerisitu mopakaohako! Meangkamoko, hai nulolomi alemu.” Unga pea Eneas meangka.

Suro 9:40

Agaiana ope-ope tauna au ara i lincu iti napopelohohe Peturu, hai molingkudumi mekakae. Roo mekakae, melindomi i tomate iti, hai nauli, “Tabita, mearomoko!” Unga pea tebungkahi matana. Kamoitana Peturu, liliu mohuda.