Suro 2:41 - Sura Malelaha

⁴¹ Bosa tauna au mampoinalai lolitana Peturu, pane laomohe rariu. I alo iti, kabosana tauna au mepoinalai i Yesu, tetambaimi ba aramohe pae talu sabuna.

Suro 2:41 ပူးပေါင်းရင်းမြစ်များ

Yohane 14:12

Tou mpuu lolitaNgku ide: tauna au mepoinalai Iriko, peisahe mobabehi nodo au Kubabehi, ba melumburi hangko i apa au Kubabehi, lawi ina laomoNa i UmaNgku.

Yohane 21:11

Simo Peturu mengkahe i duanga hai modii dala lao i lore. Dala iti buke bau au mahile: hangatu lima pulona hai talu baana. Nauri nodo kangkaiana, dala iti bara wori mahepa.

Suro 1:15

Hambela tempo, tauna au teruhu ba aratohe pae hangatu rompulo. I tempo iti, meangkami Peturu mololita i olonda halalu hampepepoinalaina, nauli,

Suro 13:48

Karahadina tauna au barahe to Yahudi lolitana iti, matana mpuumohe hai motoiahe Ngkorana Pue. Hai hema pea au Napileimi Pue Ala molambi katuwo maroa au bara mokahopoa, hai mepoinalaimohe i Pue Yesu.

Suro 2:37

Karahadina tauna bosa lolitana Peturu iti, tebalikimi lalunda, hai mekunehe i Peturu hai i surona Pue Yesu au ntanina, rauli, “Halalu-halalu, ane nodo, apami au hangangaa kibabehi?”

Suro 2:47

Motoia liliuhe Pue Ala, hai rapokatanahe ope-ope tauna. Alo-alona katetetambaiahe, lawi Pue motambaiahe tauna au molambi katuwo maroa.

Suro 27:37

Ope-ope tauna au ara i kapala tahi iti, kabosanda rongatu pitu pulona hai ini.

Suro 3:23

Hema au bara mampeulai apa au nauli Nabi iti, ina ragaaki hangko i taunana Pue Ala, hai batena rapatuna.’

Suro 4:4

Agaiana tauna au mampehadingi paturonda Peturu hai Yohane i Souna Pue Ala, bosamohe au mepoinalai i Yesu, alana tetambai kabosanda tauna au mepoinalai duuna handahe lima sabuna tobalilo.

Suro 7:14

Roo indo, Yusupu motewai Yako umana hai ope-ope halaluna bona melimbahe i tampo Masiri. Kabosanda tauna au melimba lao i Masiri, pitu pulona hai lima.

Roma 13:1

Ope-ope tauna hangangaa mengkoru i topoparenta. Lawi bara ara topoparenta au bara molambi kuasa hangko i Pue Ala. Hai topoparenta au ara napakanotomi Pue Ala.

1 Tesalonika 1:6

Hai ikamu halalu, kamohadimi Ngkora Marasa iti, nipeulaimi poantiki hai poantina Pue Yesu. Lawi nauri rumihi karapopeahi-ahimi, matana liliu lalumi modoko Ngkora Marasa. Kamatanami iti naweikau Inao Malelaha.

1 Peturu 3:20

Ihira iti ratarunggu anti pesapuakanda i Pue Ala hangkoia i tempona mani Noho tuwo. Tongawami kasabarana Pue Ala, lawi Ia mampegia katebalikina lalunda tangana Noho mobabehi duanga mahile. Agaiana kahopoana, Pue Ala molaboa dunia hai owai. Ualu peahe tauna au mesua i lalu duanga mahile hai au Nahorema hangko i kapate.

Pampetudungia 16:3

Malaeka karoduana mobumbuha ihi pambolia karumpuna Pue Ala i tahi. Owai tahi iti mewali nodo wahe tomate, alana matehe ope-ope au tuwo i lalu tahi.