Suro 2:39 - Sura Malelaha

³⁹ Lawi dandina Pue Ala ide raweike hai rawei worihe pemuleanta duuna hawe i tauna ntanina au karao. Dandina Pue Ala ide, batena mewali kiranda ope-ope tauna au nakakio Amputa Pue Ala mewali taunaNa.”

Suro 2:39 ပူးပေါင်းရင်းမြစ်များ

Suro 10:45

Tingkaramohe ope-ope to Yahudi au mepoinalai i Yesu, au naporangahe Peturu hangko i Yope, lawi tauna au barahe to Yahudi molambi worihe Inao Malelaha.

Suro 14:27

Kahawenda i Antiokia, rakakiomohe ope-ope topepoinalai i Pue Yesu, hai ratuntuahe apa au Nababehi Pue Ala i polumaonda. Rapololita wori noumba Pue Ala mobungkahiahe rara bona tauna au barahe to Yahudi mepoinalaihe i Yesu.

Suro 15:14

Napahaweamoke Simo Peturu noumba Pue Ala nguru-nguruna motudungiahe ahiNa i tauna au barahe to Yahudi. Napilei worihe bona mewali taunaNa.

Suro 15:3

Mewali, Paulu hai Baranaba rapopeangkamohe to Sarani i Antiokia hai raporangaihe hawe i raoa wanua. Hangko inditi, molumaomohe lao i Yerusale. I polumaonda iti, moliuhe i tampo Fenisia hai Samaria, hai i polumaoanda, motuntuhe noumba tauna au barahe to Yahudi mepoinalai worihe i Yesu. Bambari iti mopamatana lalunda ope-ope halalu hampepepoinalainda.

Suro 15:8

Hai Pue Ala, au moisa lalu tauna, modoko tauna au barahe to Yahudi, hai Ia mopakanoto tunggaiaNa iti i kaNaweinda Inao Malelaha nodo au mewali irikita hangkoia.

Roma 11:29

Lawi ane Pue Ala mopilei hai mowati tauna, pewatiNa iti bara ina Nadii hule.

Roma 8:30

Mewali ikita au Napileimoke Pue Ala hangko i nguru-nguruna, Nakakioke bona mewalike anaNa. Hai ikita au Nakakioke mewali anaNa, Napakanotomoke i peitaNa. Hai au Napakanotomoke i peitaNa, Naweike katuwo mahile i alo au ina mai.

Roma 9:24

Ikita idemi au Napilei molambi pewati iti, hai bara pea to Yahudi, agaiana ara wori au bara to Yahudi.

Roma 9:4

Hangkoia to Isaraeli molambihe ngkaia pewati hangko i Pue Ala, lawi napileimohe Pue Ala hai Napopewalimohe nodo anaNa haduduaNa. Pue Ala mopatongawaahe kuasaNa, hai anti podandiNa i to Yahudi hangkoia, ara pohintuwunda hai Ia. Ia moweihe AturaNa hai Napaturoahe ada mpenomba, hai Ngkaia mani dandina Pue Ala au Naweihe.

1 Korintu 7:14

Lawi tobalilo to Sarani iti mopamalelaha potambinda, hai towawine to Sarani iti mopamalelaha wori potambinda. Ane rapana bara nodo, ananda ina raimba nodo anangkoi au bara moisa Pue. Agaiana ananda iti mewalimi kirana Pue Ala lawi hadua hangko i tosaenda mepoinalai i Pue Yesu.

Epesu 1:18

Kuperapi Pue Ala ina mopamanoto lalumi bona niisa apa au peisa taharunga hangko i kanakakionta Pue Ala mewali anaNa, hai ina Niisa wori noumba kamahilena sosora au Napasilolongaahe tauna au Napoana,

Epesu 2:12

I tempo iti, barakau mohintuwu hai Kerisitu. Ikamu tauna au tepairaoa; barakau teimba to Yahudi au napileihe Pue Ala mewali taunaNa. Bara ara kirami i lalu dandina Pue Ala i to Isaraeli. Tuwokau i dunia ide, bara ara peharungami, hai barakau moisa Pue Ala.

Epesu 4:4

Ikita ope-ope au mepoinalai i Yesu Kerisitu, nodo peake hawata-wata, hai hadua pea Inao Malelaha au mampaidaike. Hai himbela wori peharunganta ope-ope, lawi nakakiomoke Pue Ala mewali anaNa.

2 Tesalonika 1:11

Idomi hai kipekakaea liliukau halalu. I pekakaengki kiuli node: “O Pue Ala Umangki! Kiperapi bona Nupopewali tunggaiaMu i lalu katuwonda to Tesalonika duuna Nuimbahe tauna au hintoto rauli taunaMu, lawi Nupileimohe. Kiperapi bona anti kuasaMu, Nupopewali ope-ope tunggaianda au maroa, hai Nupahandai hinangkana au rapobago anti pepoinalainda i Pue Yesu.”

2 Timotiu 1:9

Nahoremamoke Pue Ala hangko i dosanta hai Nakakiomoke mewali taunaNa au malelaha. Barake Nahorema hai Nakakio anti kamaroana babehianta. Agaiana iti Nababehi anti kabulana laluNa moula tunggaiaNa. Lawi hangko damani dunia ide rapopewali, arami tunggaiana Pue Ala mopahintuwuke hai Kerisitu Yesu anti kabulana laluNa.

Ibarani 3:1

Halalu-halalu au mewali taunana Pue Ala au Nakakio mesua i suruga, nipailalu kahemana Yesu. Ia tuduana Pue Ala hai Tadulako Mpenomba Mahile au tapoinalai.

Ibarani 9:15

Anti popenombaNa au bara ara kamakuraNa, Kerisitu mewali Nente au mopahawe podandi au wou, au mopahintuwu manusia hai Pue Ala. Iti Nababehi bona ope-ope tauna au nakakio Pue Ala molambi pewati au bara mokahopoa moula apa au nadandiahe Pue Ala i anaNa. Lawi i tempona mani ara podandi au nguru-nguruna au napahawe Musa, manusia moliungi Aturana Pue Ala. Ido hai Kerisitu mate mohompo peliunginda iti.

1 Peturu 5:10

Hai ane liumi kapari au hampalai iti, Pue Ala ina mopahandai apa au makura irikamu. Lempona, Ia ina mopakaroho pepoinalaimi, mopamanoto tuwomi hai mopatetida lalumi. Lawi Pue Ala iami pongkana ope-ope ahi. Ia mokakiokau mewali anaNa bona anti pohintuwumi hai Kerisitu, ina molambikau kirami i lalu kamahilena tuwoNa au bara mokahopoa.

2 Peturu 1:10

Mewali halalu, lawi Napileimokau Pue Ala hai Nakakiomokau mewali taunaNa, hangangaa nipari-pari moula Pue Ala bona tongawa kaNapileimi hai kaNakakiomimi. Lawi ane nitambai pepoinalaimi hai babehia au kuuli inona, barakau ina manawo.

2 Peturu 1:3

Hangko i kuasaNa au mahile, Pue Ala moweike hinangka au taparaluu bona maroa katuwonta hai maroho peulanta Iria. Naweimoke ope-ope iti, lawi moisamoke Pue Ala au mokakioke mewali anaNa anti peawana tuwoNa hai kamaroana laluNa.

Pampetudungia 17:14

Ina mampombealaa Ana Dimba. Agaiana ina nanangihe Ana Dimba iti, lawi iami Pue hangko i ope-ope pue hai Datu hangko i ope-ope datu. Ana Dimba iti ina raporangai taunaNa au Nakakio hai au Napilei, hai au meula liliuhe Iria.”

Pampetudungia 19:9

Hangko indo, malaeka iti mouliangaana, “Nuuki node: morasihe tauna au rakakio lao i posusa petauna Ana Dimba.” Hai nauli mbuli, “Idemi lolitana Pue Ala, hai batena tou.”