Suro 2:38 - Sura Malelaha

³⁸ Nahanai Peturu, “Hangangaa menosokau hadua-hadua hangko i dosami, hai hangangaa rariukau i lalu hangana Yesu Kerisitu. Ane nodo, Pue Ala ina moampungi dosami, hai Naweikau Inao Malelaha.

Suro 2:38 ပူးပေါင်းရင်းမြစ်များ

Matiu 28:19

Mewali, laomokau i humalele dunia, nipopewalihe ope-ope tauna topeulaNgku, niriuhe i lalu hangana Uma hai Ana hai Inao Malelaha

Matiu 3:2

nauliangaahe, “Menosomokau hangko i dosami, lawi barapi mahae ina hawe poparentana Pue Ala i dunia.”

Matiu 3:6

Maihe mopangaku dosanda, hai nariuhe i owai Yarade.

Matiu 4:17

Mepongka hangko indo, Yesu mopahawe lolitaNa, Nauli, “Nipenosoimide dosami, lawi ina hawemi poparentana Pue Ala i dunia.”

Markus 1:15

Nauli, “hawemi tempo au napakanoto Pue Ala; poparentaNa ina hawemi! Menosomokau hangko i dosami hai nipoinalaimide Ngkora Marasa.”

Markus 16:16

Hema-hema au mepoinalai Iriko hai rariu, ina tehoremahe hangko i huku dosanda. Agaiana hema au bara mepoinalai batena rahuku.

Lukasi 24:47

Ope-ope tauna hangangaa menoso hangko i dosanda, bona naampungihe Pue Ala, anti kanapahurunda Datu Topehompo. Bambari iti hangangaa rapahawe i humalele dunia, mepongka i Yerusale.

Lukasi 3:10

Tauna bosa mekune i Yohane, rauli, “Ane nodo, apami au hangangaa kibabehi?”

Suro 10:43

Ope-ope nabi hangkoia mampololita kana i Yesu iti, rauli: hema-hema au mepoinalai Iria, dosanda teampungi anti kuasaNa.”

Suro 10:48

Ido hai natuduhe Peturu bona rariuhe i lalu hangana Yesu Kerisitu. Roo indo, Kornelius hai rangana merapihe i Peturu bona maida hampai hihimbela hai ihira bahangkia alona.

Suro 13:38

Bona niisa halalu-halalu: anti kaYesunami, ido hai rapahaweakau bambari au manguli dosami peisa raampungi.

Suro 16:15

Karoonda Lidia hantambi rariu, napari-parimongkai Lidia lao maida i souna, nauli, “Ane niimbana manoto i lalu pepoinalaingku i Pue Yesu, laomoke i soungku.” Ido hai lao mpuumongkai i souna moula pamperapina.

Suro 17:30

Hangkoia, menombake i anitu. Nauri nodo, barake nahuku Pue Ala. Ia motuko pea mataNa i kantulita iti. Agaiana ide-ide, Natuduhe ope-ope tauna i humalele dunia bona menosohe hangko i dosanda.

Suro 20:21

Kupopaingaa liliukau, maroa ikamu to Yahudi maroa ikamu au bara to Yahudi bona menosokau hangko i dosami hai mepoinalaikau i Amputa Pue Yesu.

Suro 22:16

Mewali, apa mani au nupegia? Meangkamoko hai laomoko rariu. Mekakaemoko i Pue Yesu bona Naampungi dosamu.’ ”

Suro 26:18

Idemi tunggaiaKu motuduko lao irihira bona tebungkahi matanda, hai mopalehihe kamakaindi lao i kamabaana, hai tekabahahe hangko i kuasana Datu Tokadake hai mepoinalaihe i Pue Ala. Mewali, anti pepoinalainda Iriko, teampungimi dosanda, hai mewalimohe taunana Pue Ala.’ ”

Suro 26:20

Ido hai kupahawe i ope-ope tauna, hangangaa mampenosoihe dosanda hai mengkoruhe i Pue Ala, hai hangangaa mobabehihe apa au maroa bona tongawa penosonda. Nguru-nguruna bambari iti kupahawe i wanua Damsik, roo indo i Yerusale hai i humalele tampo Yudea, hai i tauna ntanina au barahe to Yahudi.

Suro 3:19

Halalu-halalu, ido hai hangangaa menosokau hangko i dosami hai mengkorukau i Pue Ala bona Naampungi dosami. Hangko indo, Pue Ala ina mopakaroho lalumi, hai motudu Yesu mai irikamu. Lawi Iami au napakanoto Pue Ala mewali Datu Topehorema.

Suro 5:31

hai Napopohuda ntanda i koanaNa. Naweimi kuasa mewali Tadulako hai Topehorema bona to Isaraeli menosohe hangko i dosanda hai molambihe peampungi.

Suro 8:12

Agaiana kahawena Pilipu i boeanda, ia mopahawe bambari kana i poparentana Pue Ala, hai napaturoahe kaYesuna Datu Topehompo alanda bosa tobalilo hai towawine mepoinalai i Yesu hai rariuhe.

Suro 8:20

Agaiana nauli Peturu iria, “Marugimoko hai marugi wori doimu! Nupehangu pae, kabulana laluna Pue Ala peisa raholo hai doi?

Roma 6:3

Bara pae niisa halalu, rariumoke i lalu hangana Kerisitu Yesu, hai bara wori pae niisa i karariunta iti, lempona, matemoke hihimbela hai Kerisitu Yesu?

Epesu 1:7

Hai wahena Pue Yesu au mabubu i kapateNa, tehompokimoke hangko i huku dosanta, lempona naampungimi Pue Ala hinangka dosanta, hangko i kabulana laluNa au mahile.

Titu 3:5

Moapari hai Nahoremake hangko i huku dosanta? Ba Nahoremake lawi manoto babehianta? Bara. Nahoremake anti kamaahina laluNa. Yesu Kerisitu mate mohuru dosanta, mewali Datu Topehoremanta. Ido hai pane Pue Ala moweike Inao Malelaha au mokale i lalunta. Anti kuasana Inao Malelaha iti, Nabahoimoke hangko i dosanta, Napopewalike anaNa haduduaNa, hai Naweike katuwo au wou.

1 Peturu 3:21

KaNahoremanda hangko i owai au molaboa dunia peisa rapopandiri ada mperiu to Sarani ide-ide, lawi ada iti moanti katuwo maroa irikamu. Ane tababehi ada mperiu iti, bara peake mobahoi watanta. Agaiana ara tunggaiata au melumbu hangko inditi. Ada mperiu iti taimba hambua pamperapita i Pue Ala bona Nabahoike hangko i dosanta. Hai anti katuwona hule Yesu Kerisitu, Naampungi mpuumoke hangko i dosanta.