Suro 2:34 - Sura Malelaha

³⁴ Mewali, halalu, bara mpuu watana haduduana au natunggai Daudi hai lolitana. Lawi bara woia Daudi au tuwo hule hai mengkaore lao i suruga. Agaiana nauli Daudi: Pue mongkora i Ampuku, Nauli, ‘MohudamoKo ntanda i koanaNgku,

Suro 2:34 ပူးပေါင်းရင်းမြစ်များ

Markus 12:36

Mole Daudi haduduana mopakanoto Datu Topehompo iami Pue au napenombai. Anti peninina Inao Malelaha Daudi mampololita kana i Datu Topehompo node: Pue mongkora i Ampuku au kupenombai, Nauli: ‘MohudamoKo ntanda i koanaNgku duuna Kupopengkoruhe ope-ope iwaliMu Irio.’

Yohane 3:13

Bara ara hadua hangko i dunia ide au mengkaore lao i suruga. Batena pea Iko, Ana Manusia, au moisa apa au mewali i suruga, lawi Iko mendauluNa mai hangko i suruga.

Suro 2:35

duuna Kupopengkoruhe ope-ope iwaliMu Irio.’ ”

1 Korintu 15:25

Lawi Kerisitu hangangaa mewali datu au moparenta, duuna Pue Ala mampopengkoru ope-ope au meewa Iria,

Epesu 1:22

Pue Ala mampopengkoru hinangkana i Kerisitu, hai moangka Kerisitu mewali Tadulako au moparenta ope-ope tauna au mepoinalai Iria.

Ibarani 1:13

Bara hambela Pue Ala mololita i malaeka nodo au Napahawe i AnaNa, node: “MohudamoKo ntanda i koanaNgku, duuna Kupopengkoruhe ope-ope iwaliMu Irio”