Suro 19:34 - Sura Malelaha

³⁴ Agaiana, i karaisana tauna bosa katoYahudina, monganga-nganga liliumohe rojaa kamahaena, rauli, “Toiami Artemis au tapenombai to Epesu!”

Suro 19:34 ပူးပေါင်းရင်းမြစ်များ

Matiu 6:7

Ane mekakaekau, inee nipopenggoli-nggoli nodokau tauna au bara moisa Pue Ala. Rapekiri, ane ngkalanga pekakaenda, pamperapinda ina tepabukei.

Suro 16:20

Kahawenda i tadulako-tadulako boea, mololitamohe rauli, “Tauna idehe to Yahudi au maihe mopamagunego boeanta.

Suro 19:24

I wanua Epesu iti, ara hadua tobalilo au mapande mobabehi parewa hangko i salaka, hangana Demetrius. Bagona iami mobabehi sou-sou hangko i salaka au nodo sou penombaa au rapake menomba i anitu towawine au rahanga Artemis. Hai hangko i bago iti, ia hai topobagona molambi ngkaia doi.

Suro 19:26

Agaiana niita hai nihadimi apa au nababehi hadua tauna au rahanga Paulu. Nauli tauna iti, apa au nababehi manusia bona rapenombai bara ara kuasana. Anti pepaturona iti, bosahe tauna au meula i Paulu, hai bara pea i Epesu. I humalele propinsi Asia, batena nodo wori.

Suro 19:28

Karahadina lolitana Demetrius iti, rumpumohe hai monganga-ngangahe, “Toiami Artemis au tapenombai to Epesu!”

Suro 19:33

Arahe au manguli hadua to Yahudi au rahanga Aleksander au mewali pongkana posisalanda, lawi ia au ratudu to Yahudi meangka mopahawe lolita i tauna bosa. Ido hai Aleksander moangkami taiena mopakandiihe, lawi mampeinao mohowara notona.

Suro 19:35

Kahopoana, peisahe napakandii hadua totosae boea. Nauli totosae boea iti, “Halalu-halalu to Epesu! Bara ara hadua tauna au bara moisa boeanta ide au mokadipura sou penombaa anitu towawine Artemis hai mokampai watu au makuasa au manawo hangko i langi.

Roma 2:22

Mouliangaakau rangami inee mebualosi, mole mebualosito worikau! Niuli mokahihikau anitu, moapari hai arakau au mopanangka anu-anu hangko i lalu sou penombaa i anitu?

Pampetudungia 13:4

Menombamohe i naga, lawi ia au mowei kuasa i binata au kadake iti. Hai menomba worimohe i binata iti, rauli, “Hema au himbela hai kamakuasana? Hema au peisa moewa binata iti?”