Suro 19:24 - Sura Malelaha

²⁴ I wanua Epesu iti, ara hadua tobalilo au mapande mobabehi parewa hangko i salaka, hangana Demetrius. Bagona iami mobabehi sou-sou hangko i salaka au nodo sou penombaa au rapake menomba i anitu towawine au rahanga Artemis. Hai hangko i bago iti, ia hai topobagona molambi ngkaia doi.

Suro 19:24 ပူးပေါင်းရင်းမြစ်များ

Suro 16:16

Hambela tempo, kalaongki i pekakaeanda to Yahudi, mohidupangkai hai hadua hawi towawine au moanitu. Anti kuasana anitu iti, ia peisa mopahawe apa au ina mewali. Ido hai ampu hawi iti molambihe ngkaia doi.

Suro 16:19

Roo indo, rumpumohe ampu towawine iti, lawi barapohe peisa molambi doi hangko iria. Ido hai mohakamohe Paulu hai Silas rabisosohe lao i tadulako boea i pobalu-balua.

Suro 19:25

Hambela tempo, nakakiomohe rangana hampopobago hai topobago salaka au mapande, nauliangaahe, “Halalu, niisato, hangko i bago ide ngkaia mpuu polambiata.

Suro 19:38

Mewali, ane Demetrius hai rangana au hampopobago mampeinao mosalai ba hema-hema, hangangaa rapahawe hampai i tadulako boea. Lawi arami tempo au tepakanoto, hai i tempo iti tadulakonta peisa mampohuda-hudaa kara-karanta nodo au mewali ide.