Suro 19:13 - Sura Malelaha

^13-14 I tempo iti, ara wori i Epesu bahangkia topepakulii to Yahudi au molulumaohe i humalele wanua mampopeloho seta au mesua i tauna. Hangko i olonda, ara pitu tobalilo, ope-opehe anana kapala tadulako mpenomba au rahanga Skewa. Hambela tempo, topepakulii iti mampetandakahe mokabelai hangana Pue Yesu ane mampopelohohe seta hangko i hadua tauna, rauli, “I lalu hangana Yesu au nabambari Paulu, kipopelohoko!”

Suro 19:13 ပူးပေါင်းရင်းမြစ်များ

Matiu 12:27

Niuli mampopelohoNa seta hai kuasa hangko i Beelsebul. Agaiana ara wori rangami au mampopeloho seta. Kuasa apa au rapake rangami iti mampopeloho seta? Manoto kuasana Pue Ala. Mewali, hangko i babehianda rangami iti, tongawami kadana tou lolitami au manguli mampopelohoNa seta mopake kuasana Datu Tokadake.

Matiu 26:63

Agaiana Yesu, bara mehana. Nauli mbuli Tadulako Mpenomba Mahile Iria, “I lalu hangana Pue Ala au tuwo, uliangaangkai au manoto! Ba tou mpuu Oiomi Datu Topehompo, Anana Pue Ala?”

Markus 5:7

Yesu mowura seta au mampesuangi tauna iti, Nauli, “Melohomoko hangko i tauna ide!” Monganga tauna iti, nauli, “Yesu Anana Pue Ala au i suruga! Apari mai Nuala? Kuperapi bona modandiKo i lalu hangana Pue Ala, barana ina Nupopeahi-ahi.”

Markus 9:38

Roo indo, nauli Yohane, “Guru, ara kiita hadua tauna au mampopeloho seta i lalu hangaMu, agaiana kikonto lawi ia bara meula irikita.”

Lukasi 11:19

Niuli mampopelohoNa seta hai kuasa hangko i Beelsebul. Agaiana ara wori rangami au mampopeloho seta. Kuasa apa au rapake rangami iti mampopeloho seta? Manoto kuasana Pue Ala. Mewali, hangko i babehianda rangami iti, tongawami kadana tou lolitami au manguli mampopelohoNa seta mopake kuasana Datu Tokadake.

Lukasi 9:49

Roo nodo, mololitami Yohane, nauli, “Guru, ara kiita hadua tauna au mampopeloho seta i lalu hangaMu, agaiana kikonto lawi ia bara meula irikita.”

2 Korintu 11:4

Arahe guru agama i olomi au mopaturokau kana i Yesu, agaiana paturonda bara himbela hai apa au kipaturoakau. Ane paturonda bara himbela hai paturongki, moapari hai niunde mampehadingi lolitanda? Niunde pae modoko inao ntanina au mosisala hai Inao Malelaha au nidokomi? Niunde pae modoko bambari au mosisala hai Ngkora Marasa au nipoinalaimi? Halalu, inee nodo.