Suro 18:5 - Sura Malelaha

⁵ Mewali, kahawenda Silas hai Timotiu hangko i tampo Makedonia, Paulu barapi mobago mobabehi atu bambaru hangko i koli, agaiana ia mopahawe liliumi Ngkora Marasa i to Yahudi, napololitaahe kana i Yesu, Datu Topehompo.

Suro 18:5 ပူးပေါင်းရင်းမြစ်များ

Lukasi 12:50

Agaiana ara mani kapari au hangangaa morumpaNa. Ina masusa laluNgku duuna mewali.

Lukasi 16:28

lawi ara manihe lima halalungku au maida indowei. Nutudu Lasaru mampopaingaahe kana i apa au mewali iriko dati worihe molambi paidaa au mapari ide.’

Yohane 1:41

Liliu Andaria lao mohaoki Simo, nauliangaa, “Kilambimi au rauli Mesias” (au rauli wori Kerisitu, lempona: Datu Topehompo).

Yohane 10:24

Tadulakonda to Yahudi motolelikihe Yesu, hai rauliangaa, “Moapa hai Nupogiangaa liliungkai wuli? Barangkai Nupakanotoa kahemaMu. Ane Datu Topehompo mpuuKo, Nupakanotoamongkai.”

Yohane 15:27

Hai ikamu wori hangangaa mewali sabiNgku, lawi ikamumi au hihimbela hai Iko hangko i pepongkana bagoNgku i dunia ide.”

Yohane 3:28

Hangkoia, nihadimi lolitangku au manguli: ‘Iko barana Datu Topehompo. Agaiana ratuduna moioru mai mopasilolonga raraNa.’ ”

Suro 10:42

Hai Natudungkai moanti bambari i ope-ope tauna, hai mewali sabi kaIana mpuu au napilei Pue Ala mewali Topobotusi ope-ope tauna, maroa au tuwo mani ba au matemi.

Suro 15:22

Roo indo, suronahe Pue Yesu, penatua-penatua hai ope-ope to Sarani au teruhu inditi mopileihe bahangkia ranganda bona ratuduhe lao i Antiokia hihimbela hai Paulu hai Baranaba. Au rapilei iti, rodua tobalilo au rabila halalu hampepepoinalainda, iami Silas, hai Yudasi, au rahanga wori Barsabas.

Suro 16:1

Paulu mopaliliu polumaona lao i wanua Derbe hai i wanua Listra. I wanua Listra, ara hadua tobalilo au mepoinalai i Yesu, hangana Timotiu. Inana Timotiu, to Yahudi au mepoinalai wori i Yesu. Umana to Yunani.

Suro 16:12

Roo indo, mendaulumongkai hangko i kapala tahi, hai laongkai i wanua Pilipi, au rakamumu hai rapaidai to Roma, hai au mahile hangana i propinsi Makedonia. Inditi maidangkai bahangkia alona.

Suro 16:9

Tanga kaindi tanganda maturu i Troas, Paulu moita hambua pampetudungia. Naita hadua tobalilo au hangko i tampo Makedonia meangka i lindona, nauli, “Maimokau i Makedonia. Nitulungi wongkamia!”

Suro 17:3

Paulu mopakanotoahe apa lempona ihi Sura Malelaha, nauli, “Datu Topehompo au nadandi Pue Ala hangkoia, hangangaa mohalea kapari duuna mate, agaiana ia tuwo hule. Yesu au kupololita irikamu ide iami Datu Topehompo.”

Suro 18:28

Anti kamapandena mololita, Apolo monangihe to Yahudi i lalu pombehanainda i lindonda tauna bosa. Hangko i Sura Malelaha, Ia mopatongawa kaYesuna Datu Topehompo au nadandimi Pue Ala.

Suro 2:36

Hangko inditi, napahopomi Peturu lolitana, nauli, “Mewali, ido hai ikamu to Yahudi, hangangaa nipakanoto i lalumi apa au kuuli ide: Yesu au nipaku i kau mombehape, Iami au napilei Pue Ala mewali Amputa hai Datu Topehompo.”

Suro 20:21

Kupopaingaa liliukau, maroa ikamu to Yahudi maroa ikamu au bara to Yahudi bona menosokau hangko i dosami hai mepoinalaikau i Amputa Pue Yesu.

Suro 20:23

agaiana au kuisa i ope-ope boea au kupolumaongi, Inao Malelaha mopakanoto kaina rahakangku hai molambina kapari.

Suro 20:24

Kehapiri nodo, barapi kupekiri watangku bona peisana moparoo bago au napoinalaiana Pue Yesu. Pobagongku ide, mopahawe Ngkora Marasa au mopatongawa kabulana laluna Pue Ala irikita.

Suro 4:20

Lawi barapi peisa kipengkaroongaa mampololita apa au kiita hai au kihadimi.”

Suro 9:22

Agaiana kamaroho-rohoari Saulu mepaturo, ido hai rapowuli to Yahudi i Damsik, lawi ope-ope paturona iti mopakanoto kaYesuna Datu Topehompo.

2 Korintu 1:19

Lawi Yesu Kerisitu, Anana Pue Ala, au kibambariamokau, iko, Silas hai Timotiu, bara nodo tauna au bara tetida pekirina, hambela manguli “io” hambela manguli “bara”. Agaiana Ia ane Naulimi “io” barapi ina tebaliki.

2 Korintu 11:9

I tempo iti, ara wori kamakurangku, agaiana barana merapi irikamu. Lawi arahe halalunta au hawe hangko i tampo Makedonia moanti doi au mopahandai apa au kuparaluu. Barana merapi apa-apa irikamu bona barakau kupakapari. Hai apa au kubabehi hangkoia, iti au ina kubabehi liliu.

2 Korintu 5:14

Anti kamaahina Kerisitu irikami, ido hai kipari-pari mampopolumao bagongki mopahawe Ngkora Marasa. Lawi kiisa, Kerisitu mate mohuru dosa ope-ope tauna, iti lempona mate hahamoke.

Pilipi 1:23

Au rompaka iti mombedii mani i lalungku. Kupeinao mopalehi dunia ide hai laona maida hihimbela hai Kerisitu, lawi iti au maroa ntepuu.

1 Tesalonika 3:6

Mewali, ide-ide, Timotiu mesulemi inde, hai napahaweamongkai bambari au mopamatana lalungki. Nauli, “To Tesalonika iti, maroho mpuu pepoinalainda hai kamaahinda. Mabila worihe irikita, hai ikita ara liliu i lalunda. Nodo katapeinaona mampohidupaahe, ihira wori mampeinao mampohidupaake.”

1 Peturu 5:12

Surangku au sosoe ide kuuki hai petulungina Silwanus, halalunta hampepepoinalai i Pue Yesu, hai kuisa ia ina mantaha liliu i lalu pepoinalaina. Inona kupahaweakau i kanoto-notoana noumba kamahilena ahina Pue Ala irikita bona maroho lalumi. Hangangaa tetida liliukau i kamaahiNa iti.