Suro 18:4 - Sura Malelaha

⁴ Minggu-mingguna i alo Penombaa, laomi Paulu i sou penombaanda to Yahudi mopaturo tauna au teruhu inditi, maroa to Yahudi maroa to Yunani. Tunggaiana bona mepoinalaihe i Pue Yesu.

Suro 18:4 ပူးပေါင်းရင်းမြစ်များ

Lukasi 16:31

Agaiana nauli Burahima, ‘Ane lolitana Musa hai lolitanda nabi bara radoko, batena barahe ina mepoinalai, kehapiri ara tomate au tuwo hule.’ ”

Lukasi 4:16

Laomi Yesu i Nasare, boea karapakahileaNa. Hai nodo biasana, Ia mesua i sou penombaa i alo Satu, alo Penombaanda to Yahudi. Meangkami bona mobasa Sura Malelaha,

Yohane 7:35

Wulimohe tadulakonda to Yahudi mohadi lolitaNa, hai mombekune-kunemohe, rauli, “Ina laori wei iumba pane Nauli barapi talambi? Ba ina lao i tampo ntanina maida hihimbela hai to Yahudi au mampogaloahe to Yunani bona mopaguruhe to Yunani inditi?

Suro 13:14

Hangko i Perga, mopaliliuhe polumaonda hawe i wanua Antiokia i tampo Pisidia. I alo Penombaanda to Yahudi, laomohe mohuda i sou penombaa.

Suro 14:1

Apa au mewali i wanua Antiokia, iti wori au mewali i wanua Ikonium. Nodo au biasa rababehi Paulu hai Baranaba laohe i sou penombaanda to Yahudi mopahawe Ngkora Marasa i tauna au teruhuhe inditi, alana bosahe to Yahudi hai au barahe to Yahudi mepoinalai i Yesu.

Suro 17:11

Tauna i Berea iti maroa lalunda, bara nodo au i Tesalonika, lawi mampehadingihe lolitanda Paulu hai Silas hangko i katanana lalunda. Alo-alona moparesahe Sura Malelaha bona raisa ba manoto lolitana Paulu ba bara.

Suro 17:17

Ido hai i sou penombaa, Paulu mombepakana i lolita hai to Yahudi hai tauna ntanina au mesua agama Yahudi. Alo-alona Paulu mopaturo worihe hema-hema pea au nalambi i pobalu-balua.

Suro 18:13

rasalai, rauli, “Tauna ide mopakanawo bosa tauna. Napaturohe kana i rara menomba i Pue Ala, agaiana pepaturona iti bara hintoto hai apa au teuki i Aturana Musa!”

Suro 18:19

I polumaonda iti, mehupehe i wanua Epesu, hai Paulu lao i sou penombaa hai mombepakana i lolita hai to Yahudi au teruhuhe inditi. Tauna iti merapi bona Paulu mahae haodi hihimbela hai ihira, agaiana bara naunde. Nauri nodo, i pelingkana, nauliangaahe, “Ane napokana Pue Ala, ina mesule peana mai inde.” Priskila hai Akwila maida liliuhe i Epesu, agaiana Paulu mopaliliumi polumaona mesawi i kapala tahi lao i tampo Siria.

Suro 19:26

Agaiana niita hai nihadimi apa au nababehi hadua tauna au rahanga Paulu. Nauli tauna iti, apa au nababehi manusia bona rapenombai bara ara kuasana. Anti pepaturona iti, bosahe tauna au meula i Paulu, hai bara pea i Epesu. I humalele propinsi Asia, batena nodo wori.

Suro 19:8

I lalu talu wulana Paulu i wanua Epesu, ia lao liliu i sou penombaanda to Yahudi. Ia mopaturo tauna au teruhu inditi, hai bara langa-langa mopakanotoahe kana i poparentana Pue Ala bona rapoinalai.

Suro 26:28

Nahanai Datu Agripa nauli, “Nupehangu pae, holi-holi pewalingku to Sarani.”

Suro 28:23

Roo indo, rapakanotomi alo poteruhuanda hai Paulu. Hawe mpuumi alo au rapakanoto, bosa tauna teruhu i paidaana Paulu. Mepongka madondo hawe kalumba, napakanotoahe Paulu kana i poparentana Pue Ala, hai nabasaahe Aturana Musa hai Suranda Nabi-nabi, bona manoto irihira kahemana Yesu bona mepoinalaihe Iria.

Suro 9:20

I wanua Damsik, ia lao i sou-sou penombaa. Inditi mopahawemi bambari kana i Yesu iami Anana Pue Ala.

2 Korintu 5:11

Mewali, langangkai mobabehi apa pea au bara naunde Pue, lawi kiisa Ia ina moparesa babehianda ope-ope tauna. Ido hai kipari-pari moanti tauna mepoinalai i Pue Yesu. Pue Ala moisa lalungki. Peundeaki halalu bona barapi ara au bata-bata lalumi irikami. Kipeinao bona ope-opekau moisa kabulana lalungki.