Suro 18:3 - Sura Malelaha

³ hai maidami inditi hihimbela hai ihira. Mobago sambelahe, lawi bagona Paulu himbela hai bagonda, mobabehihe atu bambaru hangko i koli binata.

Suro 18:3 ပူးပေါင်းရင်းမြစ်များ

1 Korintu 4:12

Mobago mantimingkai haduduangki. Ane arahe au motunda-tundangkai, kihurungihe hai pewati. Ane arahe au mampopeahi-ahingkai, kitodiha pea.

1 Korintu 9:14

Nodo wori paturo au tahumba hangko i Pue Yesu. Ia mohawa bona tauna au mobambari Ngkora Marasa molambi paandenda hangko i tauna au rapahawea bambari iti.

1 Korintu 9:15

Mewali peisa mpuungkai merapi sarongki irikamu, agaiana iti bara kibabehi. Hai inee nipehangu tunggaiaku mouki sura ide bona kupari-parikau moweingkai ba apa pea. Matana lalungku lawi barana hambela merapi irikamu. Agingkumi mate panena motanta apa au mopamatana lalungku iti.

1 Korintu 9:18

Mewali, ane moantina Ngkora Marasa barana merapi sarongku. Sarongku iami: katana lalungku au kuhumba hangko i pobagongku mobambari Ngkora Marasa au kupahawe mbero-mbero i ope-ope tauna.

2 Korintu 11:7

I tempoku mopahawe Ngkora Marasa irikamu hangkoia, barana merapi sarongku irikamu nauri haodi pea. Mengkaiwoina, mobagona haduduangku bona tuwo peana mopahawe bambari au moanti pewati irikamu. Noumba halalu, masalana pae ane barana merapi sarongku irikamu?

2 Korintu 11:9

I tempo iti, ara wori kamakurangku, agaiana barana merapi irikamu. Lawi arahe halalunta au hawe hangko i tampo Makedonia moanti doi au mopahandai apa au kuparaluu. Barana merapi apa-apa irikamu bona barakau kupakapari. Hai apa au kubabehi hangkoia, iti au ina kubabehi liliu.

2 Korintu 12:13

Halalu, ba niuli bara handa pobagongku i olomi! Pobagongku irikamu himbela hai pobagongku i tauna au i jumaa ntanina. Au mampoposisala iami ane i jumaa ntanina, merapina sarongku, agaiana irikamu halalu barana merapi sarongku. Ba paraluu kuperapi ampu irikamu anti kamasalangku iti?

1 Tesalonika 2:9

Halalu, manoto nikatuinao mpuu noumba karumihina pobagongki hangkoia. Mabaa ba kaindi mohaoki liliungkai paandeki datikau kipakapari tangangki mopaturoakau Ngkora Marasa au hangko i Pue Ala.

1 Tesalonika 4:11

Nipari-pari mohintuwu hai rangami. Nipopolumao maroa bagomi haduduami, inee nipesuaki urusiana rangami. Mobagokau mohaoki paandemi, nodo au kipaturoamokau hangkoia.