Suro 18:27 - Sura Malelaha

²⁷ Roo indo, Apolo moliwo lao i tampo Akaya. Ia ratulungi halalu hampepepoinalaina i Epesu mopakatuhe sura i hangka to Saraninda i Akaya bona modoko maroahe Apolo. Mewali, kahawena Apolo i Akaya, paturona moanti ngkaia pewati i ope-ope tauna au mepoinalaihe i Pue Yesu anti kabulana laluna Pue Ala irihira.

Suro 18:27 ပူးပေါင်းရင်းမြစ်များ

Suro 1:15

Hambela tempo, tauna au teruhu ba aratohe pae hangatu rompulo. I tempo iti, meangkami Peturu mololita i olonda halalu hampepepoinalaina, nauli,

Suro 11:26

Kanalambina, naporangami lao i Antiokia hai maidahe inditi hampare kamahaena. Teruhuhe inditi hihimbela hai tauna au mepoinalai i Yesu, hai mopaturohe tauna bosa. Inditimi nguru-nguruna, tauna au mepoinalai i Yesu rauli to Sarani.

Suro 15:34

[Agaiana Silas bara mewali melingka, lawi napakanotomi maida i Antiokia.]

Suro 18:12

I tempona Galio mewali gubernur i tampo Akaya, hintuwumohe to Yahudi moewa Paulu. Paulu raanti i lindona gubernur, hai

Suro 18:18

Mahae mani Paulu maida i Korintu, hangko mepalakanari i halalu hampepepoinalaina. Roo indo, ia mengkahemi i kapala tahi lao i tampo Siria, hihimbela hai Priskila hai Akwila. Agaiana hangko damanihe meangka, Paulu mampopekou hampai weluana i boea Kengkrea, tanda kamopabukeinami dandina i Pue Ala. Hai moula adanda to Yahudi, ane hopomi tempo podandi, hangangaa rakou weluanda.

Suro 19:1

Tangana Apolo i wanua Korintu, Paulu molumaohi boea-boea au i bulu i tampo Galatia hai Frigia, hai roo indo mendaulumi lao i wanua Epesu. Inditi ia mohidupa hai bahangkia topepoinalai.

Suro 9:27

Agaiana laomi Baranaba mampohimada Saulu, hai naporangai lao i suronahe Pue Yesu. Baranaba motuntuahe noumba Saulu moita Pue Yesu i polumaona lao i wanua Damsik, hai noumba Pue mololita iria. Napahawea worihe kapebaina Saulu mopahawe bambari kana i Pue Yesu i Damsik.

Roma 1:5

Hai anti kaYesuna, Naweina Pue Ala pewati mahile, Naangkana mewali suroNa bona iko au mobambari Ngkora Marasa i tauna au barahe to Yahudi i humalele dunia. Kupaturohe bona mepoinalaihe hai mengkoruhe i Pue Yesu, duuna hangana Yesu rapomahile.

1 Korintu 15:10

Agaiana anti kabulana laluna Pue Ala hai anti kaNatulungingku, ido hai raangkana mewali suroNa hawe ide-ide. Hai mobundu mpuu kabulana laluNa hai petulungiNa iriko. Lawi mepongka i karaangkaku, meliu pobagongku i Pue hangko i ope-ope surona Pue Yesu au ntanina. Ane rohongku pea haduduangku, bara kubuku mampopolumao bago iti agaiana anti kabulana laluNa Pue Ala hai anti kaNatulungingku, ido hai kubuku.

1 Korintu 16:3

Ane hawena deade, nipileihe bahangkia rangami au nipoinalai bona kuweihe sura hai kutuduhe lao i Yerusale moanti doi petulungimi.

1 Korintu 3:6

Iko au mantuda, Apolo au mobumbuhi, agaiana Pue Ala au mopatuwo.

2 Korintu 1:24

Barapokau kupari-pari kana i apa au hangangaa nipoinalai, lawi marohomi pepoinalaimi i Kerisitu. Agaiana kiunderi mobago sambela hai ikamu bona matana lalumi.

Pilipi 1:25

Mewali, itimi au manoto i lalungku. Ido hai kuuli, batena tuwo manina, hai ina kupepakai mani lao mosondakikau hai motulungikau bona tetambai kamarohona pepoinalaimi i Pue Yesu hai tetambai wori kamatanami mepoinalai Iria.

Pilipi 1:29

Mewali, ineekau langa i tauna au moewakau, lawi tunggaiana Pue Ala mopileikau, bara pea bona mepoinalaikau i Kerisitu, agaiana bona molambi worikau kapari alana hangana Kerisitu rapomahile.

Kolose 2:12

I tempomi rariu i lalu hangana Kerisitu, himbela pea matemokau, hai ratawumokau hihimbela hai Kerisitu, lawi nikabahami katuwomi hai babehiami au hangkoia. Hai i lalu karariumi iti, rapatuwo hule worimokau hihimbela hai Ia, lawi molambimokau katuwo au wou anti pepoinalaimi i kuasana Pue Ala au mopatuwo hule Yesu hangko i kapate.

Kolose 4:10

Aristarkus, rangangku ratarunggu, mopakatu tabeana irikamu. Markus halaluna Baranaba, mopakatu wori tabeana. (Nikatuinao apa au kuperapi hangkoia bona ane hawe Markus deade, nidoko maroa!)