Suro 18:26 - Sura Malelaha

²⁶ I tempo iti, napepongkami Apolo mololita i sou penombaanda to Yahudi hai bara ara kalangana. Karahadina Priskila hai Akwila lolitana, rakakiomi lao i sounda hai rapakanotoa mbuli Ngkorana Pue Ala au bara mani naisa.

Suro 18:26 ပူးပေါင်းရင်းမြစ်များ

Markus 10:15

Tou lolitaNgku ide: ane barakau mengkoru i Pue Ala nodo hadua anangkoi, barakau ina mewali taunaNa i lalu poparentaNa.”

Lukasi 19:26

Mehana datu, nauli, ‘Bona kuuliangaakau, hema au peisa rapoinalai i apa au rawei, ina rawei mbuli. Agaiana hema au bara peisa rapoinalai, nauri haodi pea au rawei, batena ina raala hule.’

Lukasi 24:27

Hangko indo, Yesu mopakanotoahe ope-ope au teuki i lalu Sura Malelaha kana i wataNa, mepongka hangko i Sura Aturana Musa duuna i ope-ope suranda nabi au ntanina.

Yohane 7:17

Hema au mampeinao mobabehi peundeana Pue Ala ina raisa kahangko iumbana lolitaNgku ide, ba hangko i Pue Ala mpuu ba lolitaNgkuto pea haduduaNgku.

Suro 14:3

Maidamohe Paulu hai Baranaba bahangkia kamahaena i wanua iti. Barahe langa mopahawe bambari kana i Pue. Pue moweihe kuasa mobabehi tanda au metingkarai bona manoto i ope-ope tauna katouna Ngkora Marasa au raanti. Ngkora Marasa iti mampololita kabulana laluna Pue Ala au mowei katuwo maroa i manusia.

Suro 18:18

Mahae mani Paulu maida i Korintu, hangko mepalakanari i halalu hampepepoinalaina. Roo indo, ia mengkahemi i kapala tahi lao i tampo Siria, hihimbela hai Priskila hai Akwila. Agaiana hangko damanihe meangka, Paulu mampopekou hampai weluana i boea Kengkrea, tanda kamopabukeinami dandina i Pue Ala. Hai moula adanda to Yahudi, ane hopomi tempo podandi, hangangaa rakou weluanda.

Suro 18:25

Apolo rapaturoa worimi tuntukana Pue Yesu. Mewali, kahawena i Epesu, ia mololita hangko i laluna, mopaturoahe tauna tuntukana Yesu i kanoto-notoana, nauri periuna pea Yohane au naisa.

Suro 19:8

I lalu talu wulana Paulu i wanua Epesu, ia lao liliu i sou penombaanda to Yahudi. Ia mopaturo tauna au teruhu inditi, hai bara langa-langa mopakanotoahe kana i poparentana Pue Ala bona rapoinalai.

Suro 28:23

Roo indo, rapakanotomi alo poteruhuanda hai Paulu. Hawe mpuumi alo au rapakanoto, bosa tauna teruhu i paidaana Paulu. Mepongka madondo hawe kalumba, napakanotoahe Paulu kana i poparentana Pue Ala, hai nabasaahe Aturana Musa hai Suranda Nabi-nabi, bona manoto irihira kahemana Yesu bona mepoinalaihe Iria.

Suro 8:31

Nahanai tauna iti, nauli, “Noumba kakuisana, barana ara au mamponotoa.” Roo indo, to Etiopia iti mowawahami Pilipu mengkahe i lalu karetana bona mohudahe hihimbela.

1 Korintu 12:21

Mata bara peisa mouliangaa taie, “Barako kuparaluu!” Hai waa bara peisa mouliangaa biti, “Barako kuparaluu!”

1 Korintu 3:18

Ineekau mopakanawo watami haduduami. Ane ara hadua tauna i olomi au mengkamapande i lindo manusia, agina tauna iti mewali nodo tontuli i lindo manusia bona ia mewali mapande i lindona Pue Ala.

1 Korintu 8:2

Ane hadua tauna manguli, “Mapandena, kuisa paturo au tou,” agaiana bara ara ahina, makura mani kamapandena.

Ibarani 6:1

Mewali, halalu, barapokau kipagurua patoa paturo kana i Kerisitu. Agaiana hangangaa kipahaweamokau paturo kaliliuana bona manoto lalumi hai pekirimi. Ineeke mesule-sule i paturo au nguru-nguruna. Tauna au hangko mewali to Sarani hangangaa rapaturo bona menosohe hangko i babehianda au kadake hai mepoinalaihe i Pue Ala.

2 Peturu 3:18

Hangko i kabulana laluna Amputa Yesu Kerisitu hai kanoto lalu au Naweikau, hangangaa nipakaroho peulami Iria au mohoremake hangko i huku dosanta. Tatoiami Amputa mepongka ide-ide hawe i hae-haena. Amin. Hangko iriko, PETURU