Suro 18:18 - Sura Malelaha

¹⁸ Mahae mani Paulu maida i Korintu, hangko mepalakanari i halalu hampepepoinalaina. Roo indo, ia mengkahemi i kapala tahi lao i tampo Siria, hihimbela hai Priskila hai Akwila. Agaiana hangko damanihe meangka, Paulu mampopekou hampai weluana i boea Kengkrea, tanda kamopabukeinami dandina i Pue Ala. Hai moula adanda to Yahudi, ane hopomi tempo podandi, hangangaa rakou weluanda.

Suro 18:18 ပူးပေါင်းရင်းမြစ်များ

Matiu 4:24

Pobagona Yesu tebambari i ope-ope boea i tampo Siria, alana bosa tauna au mai mampeinaohe mohidupa hai Ia. Tauna iti moantihe ranganda ba halalunda au mantodiha ngkaia pakana hakinda hai kaparinda, au napesuangi seta, au mohaki dungka, hai au palu. Yesu mopakaohahe ope-ope.

Markus 6:46

hai mepalakana worimi irihira. KarooNa mepalakana irihira, mempanaimi Yesu i bulu lao mekakae.

Suro 1:15

Hambela tempo, tauna au teruhu ba aratohe pae hangatu rompulo. I tempo iti, meangkami Peturu mololita i olonda halalu hampepepoinalaina, nauli,

Suro 15:23

I lalu sura iti, teuki node: “Ikami, surona Pue Yesu hai penatua-penatua hahalalumi hampepepoinalai au arangkai inde, mopakatungkai sura ide irikamu halalu hampepepoinalaingki au barakau to Yahudi i wanua Antiokia hai humalele Siria, hai i propinsi Kilikia. Tabea!

Suro 15:41

Paulu hai Silas mampolumaongi tampo Siria hai propinsi Kilikia, mopakaroho lalunda to Sarani au ara inditi.

Suro 18:2

I Korintu, laomi Paulu mampohidupaa hadua tobalilo to Yahudi au rahanga Akwila. Akwila iti mesupa i poropinsi Pontus. Towawinena rahanga Priskila. Ihira hamboko melimba hangko i tampo Italia, hai bara manihe mahae hawe i wanua Korintu. Melimbahe hangko i tampo Italia iti, lawi ara hawana Datu Mahile Klaudius, mowurahe ope-ope to Yahudi au ara i wanua Roma. Paulu laomi mosondaki Akwila hai Priskila,

Suro 18:26

I tempo iti, napepongkami Apolo mololita i sou penombaanda to Yahudi hai bara ara kalangana. Karahadina Priskila hai Akwila lolitana, rakakiomi lao i sounda hai rapakanotoa mbuli Ngkorana Pue Ala au bara mani naisa.

Suro 18:27

Roo indo, Apolo moliwo lao i tampo Akaya. Ia ratulungi halalu hampepepoinalaina i Epesu mopakatuhe sura i hangka to Saraninda i Akaya bona modoko maroahe Apolo. Mewali, kahawena Apolo i Akaya, paturona moanti ngkaia pewati i ope-ope tauna au mepoinalaihe i Pue Yesu anti kabulana laluna Pue Ala irihira.

Suro 21:23

Agina nupeulai paturongki ide: arahe iba rangangki inde au roomohe modandi hai mosumpa i Pue Ala.

Suro 21:24

Mewali, hangangaa laoko hihimbela hai ihira i Souna Pue Ala mobabehi ada agama mpobahoi wata, hai hangangaa nubaiari holo binata popenombanda bona peisamohe mogundi weluanda moula dandinda. Ane nodo, ina manoto i ope-ope tauna kadana tou bambari au rahadi kana i pepaturomu. Lawi nupeulaitomani Aturana Musa.

Suro 21:3

I tanga polumaongki, moitangkai lewuto Siprus ntanda i kabeongki. Bara mahae hangko indo, hawemongkai i tampo Siria. Mendaulungkai hangko i kapala tahi i wanua Tirus, lawi antia kapala hangangaa rapopendaulu.

Roma 16:1

Hai ide-ide, ina kupopaisaakau kahemana ide Febe au moanti surangku. Ia halalunta hampepepoinalai au motulungi to Sarani i boea Kengkrea.

1 Korintu 9:20

Ane mobambarina Ngkora Marasa i to Yahudi, mewalina nodo hadua to Yahudi bona bosa to Yahudi kuanti mepoinalai i Kerisitu. Ane iko hihimbela hai tauna au moula Aturana Musa, moula worina Atura iti. Katouana barana tetaka i Aturana Musa, agaiana kupeulai mpuu bona tauna iti kuanti mepoinalai i Kerisitu.

Galatia 1:21

Hangko inditi, laomona i tampo Siria hai Kilikia.