Suro 18:17 - Sura Malelaha

¹⁷ I tabangaa sou pobotusia iti, tauna bosa mohakahe Sostenes, tadulako sou penombaa, hai rapapahai. Agaiana babehianda iti bara nahaile Galio.

Suro 18:17 ပူးပေါင်းရင်းမြစ်များ

Matiu 27:19

I tempona Pilatu mohuda mobotusi kara-kara kana i Yesu, hawemi hadua suro hangko i towawinena au mouliangaa, “Inee nuhuku tauna au bara masala iti! Anti kaIana panena mangipi au mewulungai inona kaindi.”

Markus 5:22

hawe hadua tadulako sou penombaanda to Yahudi, hangana Yairus. Kamoitana Yesu, molingkudumi i lindona Yesu

Suro 17:32

I karahadina lolitana Paulu, arahe au moele-ele, lawi barahe mampoinalai kaarana tauna au peisa tuwo hule. Agaiana, ara worihe au manguli, “Kiunde mampehadingi mbuli lolitamu iti.”

Suro 18:8

Ara hadua tadulako i sou penombaa au hungku i souna Titius, hangana Krispus. Ia hai ope-ope au ara i souna mepoinalai i Pue Yesu. Hai bosa wori to Korintu au mohadi bambari au napahawe Paulu, alana mepoinalaihe hai rariumohe.

1 Korintu 1:1

Sura ide hangko iriko Paulu hai hangko i halalu hampepepoinalainta Sostenes, kipakatu irikamu jumaa au ara i wanua Korintu au nakakiokau Pue Ala mewali taunaNa. Iami au mopamalelahakau anti pohintuwumi hai Kerisitu Yesu hihimbela hai ope-ope tauna au maida iumba-umba pea au mepoinalai i Yesu Kerisitu, Pue au rapenombai hai au tapenombai. Iko, naangkana Pue Ala mewali surona Yesu Kerisitu moula peundeaNa.

1 Korintu 1:23

Agaiana ikami, mopahawe peangkai kapatena Kerisitu au rapaku i kau mombehape. Bambari iti rapokakoinao to Yahudi, hai i tauna au barahe to Yahudi, bambari iti raimba pea lolita tontuli.